საბა ბუაძე - ლერი ხაბელოვი სპორტული ორგანიზაციების მისაკუთრებას აგრძელებს და მესამე ვადით პრეზიდენტობას წესდების დარღვევით გეგმავს

სეოკ-ის ვადამდელი არჩევნების ჩატარება „ქართული ოცნების“ მიერ სპორტული ორგანიზაციების პოლიტიკური ნიშნით გამოყენებას გულისხმობს , - ამის შესახებ, „ლელოს“ მთაწმინდა-კრწანისის მაჟორიტარი დეპუტატობის კანდიდატმა საბა ბუაძემ ბრიფინგზე განაცხადა, სადაც საქართველოს ეროვნული ოლიმპიური კომიტეტის არჩევნების 2021 წელს გადადება მოითხოვა.

ბუაძის თქმით, არჩევნების ვადაზე ადრე დანიშვნა ადასტურებს „ქართული ოცნების“ არაჯანსაღ ინტერესს სპორტული ორგანიზაციების და ფედერაციების მიმართ, რომელიც მიზნად ისახავს სპორტისა და სპორტსმენების პოლიტიკური ნიშნით გამოყენებას. ბრიფინგის დასრულების შემდეგ კი კომიტეტის ვიცე-პრეზიდენტი კონფლიქტური სიტუაციის შექმნას შეეცადა.

„როდესაც “ლელომ” მიმართა კომიტეტს დაგეგმილი ყრილობის გადადების მოთხოვნით, „ქართული ოცნების“ დეპუტატის, შოთა ხაბარელის ვაჟი, რომელიც ამავდროულად ოლიმპიური კომიტეტის ვიცე-პრეზიდენტია, შეგვეგებნენ შესასვლელში, სადაც გააკეთეს პოლიტიკური განცხადებები და დაგვადანაშაულეს ტყუილში, იცავდნენ ლერი ხაბელოვს და აცხადებდნენ, რომ ოლიმპიური წესდება კანონიერია.

„ქართული ოცნების“ სახელით ლერი ხაბელოვი აგრძელებს სპორტული ორგანიზაციების მისაკუთრებას და ოლიმპიური კომიტეტის წესდების დარღვევით გეგმავს, მესამე ვადით შეინარჩუნოს ეროვნული ოლიმპიური კომიტეტის პრეზიდენტის თანამდებობა. „ლელო“ მოითხოვს, გადაიდოს დაგეგმილი ყრილობა 2021 წლის ოლიმპიადის შემდეგ, რაც შესაბამისობაში იქნება ოლიმპიური კომიტეტის წესდებასთან და საერთაშორისო ოლიმპიური კომიტეტის ქარტიასთან. არჩევნების ვადაზე ადრე დანიშვნა ადასტურებს „ქართული ოცნების“ არაჯანსაღ ინტერესს სპორტული ორგანიზაციების და ფედერაციების მიმართ, რომელიც მიზნად ისახავს სპორტის და სპორტსმენების პოლიტიკური ნიშნით გამოყენებას. აუცილებელია, პრეზიდენტის არჩევნები ჩატარდეს გამჭვირვალე, სამართლიან და სანდო გარემოში იმისთვის, რომ არ არსებობდეს კითხვის ნიშნები. მიუხედავად იმისა, რომ პანდემიის გამო იაპონიაში დაგეგმილი ოლიმპიადა 2021 წლისთვის გადაიდო, საქართველოს ეროვნული ოლიმპიური კომიტეტი ხვალ მაინც აპირებს, ჩაატაროს საარჩევნო საანგარიშო ყრილობა, სადაც ლერი ხაბელოვი უკონკურენტოდ გეგმავს მესამე ვადით პრეზიდენტობას“, - განაცხადა საბა ბუაძემ.

„ლელოს“ მთაწმინდა-კრწანისის მაჟორიტარი დეპუტატობის კანდიდატის თქმით, აღნიშნული ყრილობა ეწინააღმდეგება პანდემიასთან დაკავშირებით განათლების, მეცნიერების კულტურისა და სპორტის სამინისტროს მიერ 16 ივლისს გაცემულ რეკომენდაციას, რომლის მიხედვითაც აღიარებულ სპორტულ ორგანიზაციებს ეთხოვათ, გადადონ დაგეგმილი და რიგგარეშე ყრილობები.

„დღეს ლერი ხაბელოვის სახელი დაკავშირებულია გაუმჭვირვალე, არაეფექტურ და კორუფციულ მმართველობასთან, რომლითაც ეროვნული ოლიმპიური კომიტეტის პრეზიდენტმა ბოლო წლებში დაგვამახსოვრა თავი. ზუსტად ამიტომ, განსაკუთრებით მნიშვნელოვანია პრეზიდენტის არჩევნები ჩატარდეს კანონმდებლობის სრული დაცვით, მრავალფეროვან და პოლიტიკურად ნეიტრალურ გარემოში. მოვუწოდებთ ეროვნულ ოლიმპიურ კომიტეტს, გადადოს 11 სექტემბერს დაგეგმილი საარჩევნო და საანგარიშო ყრილობა, რომელიც, კანონდარღვევის გარდა, სპორტულ ფედერაციებში განხეთქილების და უკმაყოფილების საფუძველსაც წარმოადგენს“, - აცხადებს ბუაძე.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 02.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა