არჩილ თალაკვაძე - ჩვენ მომავალზე ორიენტირებული გუნდი ვართ, გარწმუნებთ, მოქალაქეებთან ერთად შევძლებთ გეგმების შესრულებას და ქვეყნის განვითარებას

ჩვენ მომავალზე ორიენტირებული გუნდი ვართ. გარწმუნებთ, ჩვენ მოქალაქეებთან ერთად შევძლებთ ჩვენი გეგმების შესრულებას და ქვეყნის განვითარებას , - ამის შესახებ საქართველოს პარლამენტის თავმჯდომარემ, არჩილ თალაკვაძემ, „ქართული ოცნება-დემოკრატიული საქართველოს“ პროპორციული სიის პირველი ოცეულის წარდგენის შემდეგ ჟურნალისტებთან განაცხადა.

არჩილ თალაკვაძის თქმით, „ქართულ ოცნებას“ წინასაარჩევნო კამპანიისას საკმარისი მხარდაჭერა აქვს იმისთვის, რომ საპარლამენტო უმრავალესობა ჩამოაყალიბოს.

„კვლევებით ნახეთ, რომ „ქართულ ოცნებას“ კამპანიის დასაწყისში ძალიან მნიშვნელოვანი მხარდაჭერა აქვს, რაც სრულიად საკმარისია საპარლამენტო უმრავლესობის ჩამოყალიბებისთვის და მთავრობის დაკომპლექტებისთვის. კამპანიის შემდეგ, რა თქმა უნდა, ჩვენ კიდევ უფრო გავზრდით ამ რეიტინგს, რადგან ჩვენ მივდივართ თითოეულ ჩვენ მოქალაქესთან, ვაბარებთ ანგარიშს რა გავაკეთეთ, რა რჩება პრობლემად და რის გაკეთებას ვაპირებთ. დღეს კი წარმოვადგინეთ ის გუნდი, ვინც ამ პროგრამას შეასრულებს. ჩვენ მომავალზე ორიენტირებული გუნდი ვართ. გარწმუნებთ, ჩვენ მოქალაქეებთან ერთად შევძლებთ ჩვენი გეგმების შესრულებას და ქვეყნის განვითარებას“, - განაცხადა არჩილ თალაკვაძემ.

ცნობისთვის, პარტიამ "ქართული ოცნება-დემოკრატიული საქართველო" პარლამენტის თავმჯდომარეობის კანდიდატად და საარჩევნო სიის მეორე ნომრად არჩილ თალაკვაძე დაასახელა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით