რუსეთთან, ჩინეთსა ირანთან დაკავშირებულმა ჰაკერებმა დონალდ ტრამპისა და ჯო ბაიდენის საარჩევნო კამპანიებზე შეტევა განახორციელეს

რუსეთთან, ჩინეთსა ირანთან დაკავშირებული ჰაკერები იმ ადამიანებსა და ჯგუფებზე თავდასხმას ცდილობენ, რომლებიც აშშ-ის 2020 წლის არჩევნებში არიან ჩართულები, - BBC-ის ინფორმაციით, ამის შესახებ Microsoft-ის მიერ გავრცელებულ განცხადებაშია ნათქვამი.

კომპანიის ცნობით, თავდასხმაში ის რუსი ჰაკერებიც მონაწილეობენ, რომლებიც 2016 წლის საპრეზიდენტო არჩევნების დროს „დემოკრატების“ კამპანიაში ჩაერივნენ.

Microsoft-ის განმარტებით, ჰაკერების სამიზნე როგორც პრეზიდენტ დონალდ ტრამპის, ისე „დემოკრატ“ კანდიდატის, ჯო ბაიდენის, კამპანიაა.

კომპანიის ცნობით, Strontium-ს ჯგუფის რუსმა ჰაკერებმა შეტევა 200-ზე მეტ ორგანიზაციაზე განახორციელეს, რომელთა დიდი ნაწილი დაკავშირებულია როგორც „რესპუბლიკელებთან“, ისე „დემოკრატებთან“. BBC-ი წერს, რომ Strontium-ი, რომელიც Fancy Bear-ის სახელითაცაა ცნობილი, სავარაუდოდ, რუსულ სამხედრო დაზვერვასთან, „გრუ“-სთან არის დაკავშირებული.

Microsoft-ში აცხადებენ, რომ ჩინელმა ჰაკერებმა იერიში მიიტანეს იმ პირებზე,რომლებიც ბაიდენის კამპანიაში არიან ჩართულნი, ირანელი ჰაკერები კი ტრამპთან დაკავშირებულ პირებზე თავდასხმას ახორციელებენ.

კომპანიის ინფორმაციით, კიბერთავდასხმების დიდი ნაწილი წარუმატებლად დასრულდა.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა