ინდოეთში, ბოლო 24 საათში, კორონავირუსის 96 551 ახალი შემთხვევა დადასტურდა, რაც რეკორდულად მაღალი დღიური მაჩვენებელია ქვეყნისთვის, - შესაბამის მონაცემებს ინდოეთის ჯანდაცვის სამინისტრო ავრცელებს. ამავე მონაცემების თანახმად, ინდოეთში კოვიდიფიცირებულთა საერთო რაოდენობამ 4.5 მილიონს გადააჭარბა.

რაც შეეხება ფატალურ შემთხვევებს, ქვეყანაში კოვიდ 19-ს კიდევ 1 209 ადამიანის სიცოცხლე ემსხვერპლა და დაღუპულთა რიცხვი 76 271-მდე გაიზარდა. ცნობისათვის, ინფიცირებულთა რაოდენობით ინდოეთი მეორე ადგილზეა მსოფლიოში აშშ-ის შემდეგ.