კახა კუჭავა "ოცნების" სიის ოცეულში სპორტსმენებზე - ბევრი ისურვებდა ამ სპორტსმენებს თავიანთ რიგებში, თუმცა, დააგვიანეს

ბევრი ისაურვებდა ამ სპორტსმენებს თავიანთ რიგებში, თუმცა, დააგვიანეს,- ამის შესახებ პარლამენტის ვიცე-სპიკერმა, კახა კუჭავამ ჟურნალისტებთან, "ქართული ოცნების" სიის ოცეულის საკითხის კომენტირებისას განაცხადა. მისივე თქმით, პარლამენტის საქმიანობაში ძალიან მნიშვნელოვანი მიმართულებაა სპორტი და ახალგაზრობასთან ურთიერთობა.

კუჭავა მიიჩნევს, რომ ეს ქვეყნის განვითარების ქვაკუთხედია.

"ჩვენთვის ძალიან მნიშვნელოვანია, რომ პარლამენტის საქმიანობა გავაძლიეროთ არა მხოლოდ იურიდიული, ეკონომიკური მიმართულებებით, არამედ სპორტი და ახალგაზრდობასთან ურთიერთობაც ძალიან მნიშვნელოვანია და ვიტყოდი ქვაკუთხედია ჩვენი ქვეყნის განვითარების. ამიტომ ის, რომ სამაგალითო, წარმატებული, ეროვნული ნაკრების მაისურით მოასპარეზე ადამიანები გააგრძელებენ თავიანთ საქმიანობას პარლამენტში, ეს გასაკვირი არ არის, არც პირველად ხდება, მთავარია, თუ როგორი პროფესიონალიზმის მქონე ადამიანები შემოვიდნენ ჩვენს გუნდში ამ მიმართულების გასაძლიერებლად. ბევრი ისურვებდა მათ თავიანთ რიგებში, თუმცა, დააგვიანეს, ამ ადამიანების არჩევანი „ქართული ოცნებაა“, ის მიზნები და იდეოლოგია, რომელიც გაგვაჩნია და მომავალი 4 წლის განმავლობაში ერთად გავაგრძელებთ ამ მიზნების განხორციელებას", - განაცხადა კუჭავამ.

რაც შეეხება სიის დანარჩენ შემადგენლობას, როგორც კუჭავა ამბობს, ვიხილავთ როგორც მოქმედ დეპუტატებს, ასევე, სხვა ახალ სახეებსაც.

"ყველამ ძალიან კარგად ნახა, თუ რამდენად ძლიერი, განახლებული, პროფესიონალებით სავსე პირველი ოცეული იქნა წარმოდგენილი. მთელი სერიოზულობით მინდა ვთქვა, რომ ნებისმიერ ადამიანს გაუჭირდება დაასახელოს მეორე პარტია, რომელსაც შესწევს ძალა და ამდენი რესურსი აქვს, რომ ზედიზედ მეორე საპარლამენტო არჩევნებზე ასეთი განახლება გააკეთოს. გარდა ამისა, აქ არიან ადამიანები, რომლებმაც თავიანთი შრომით, პროფესიონალიზმით დაამტკიცეს, რომ შეუძლიათ წარმატების მოტანა, შედეგის დადება. ეს მხოლოდ ოცეულის წარდგენა იყო, დაველოდოთ სრულ სიას, იქნება ასევე ბევრი ახალი, საინტერესო სახე, იქნებიან როგორც მოქმედი დეპუტატები, ასევე გუნდის ახალი წევრები,"- განაცხადა კუჭავამ.

ცნობისთვის, "ქართულმა ოცნებამ" სიის პირველი ოცეული გუშინ დაასახელა. ოცეულში სპორტსმენები ვიქტორ სანიკიძე და დავით კაჭარავა არიან. რაც შეეხება თავად კუჭავას, ის სიაში მე-6 ადგილს იკავებს.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო