„სინოჰიდრო“ - არსებული ეპიდვითარება მთავარი გამოწვევაა ხულო-ზარზმის 42 კმ-იანი მონაკვეთის რეკონსტრუქციის პროექტში

მიუხედავად იმისა, რომ სახელმწიფო ინფრასტრუქტურულ პროექტებს არ აჩერებს, სპეციალისტებს უამრავი რეგულაციის გათვალისწინება უწევთ, რაც, ზოგადად, სამუშაო პროცესებს აფერხებს , -ამის შესახებ, „სინოჰიდროს“ განცხადებაშია აღნიშნული.

მათივე ინფორმაციით, გზის ყველაზე დიდი, 42 კმ-იანი მონაკვეთის რეკონსტრუქციას კომპანია (ფაუერჩაინა/სინოჰიდრო) განახორციელებს, რომელიც კომპანია საერთაშორისო ტენდერის ჩატარების შედეგად შეირჩა.

ხულო-ზარზმის გზის რეკონსტრუქცია არ არის პირველი პროექტი, რომელსაც POWERCHINA /Sinohydro (ფაუერჩაინა/სინოჰიდრო) საქართველოში შეასრულებს. სულ ცოტა ხნის წინ, კომპანიამ დაასრულა ხაშურის შემოვლითი გზისა და ჯაპანა-ლანჩხუთის გზის მონაკვეთის სამშენებლო სამუშაოები. „სინოჰიდროში“ აცხადებენ, რომ პანდემიის მიუხედავად, სამუშაოების დათქმულ ვადებში ჩაბარება შეძლეს.

„ სწორედ მსოფლიოსა და საქართველოში არსებული ეპიდვითარებაა „სინოჰიდროს“ მთავარი გამოწვევა ხულო-ზარზმის 42 კმ-იანი მონაკვეთის რეკონსტრუქციიის პროექტშიც. მიუხედავად იმისა, რომ სახელმწიფო ინფრასტრუქტურულ პროექტებს არ აჩერებს, სპეციალისტებს უამრავი რეგულაციის გათვალისწინება უწევთ, რაც, ზოგადად, სამუშაო პროცესებს აფერხებს. ფაუერჩაინა/სინოჰიდროს წარმომადგენლები აცხადებენ, რომ გამოწვევის დაძლევას შეძლებენ, ყველა რეგულაციას გაითვალისწინებენ და სტრატეგიულად მნიშვნელოვან, ურთულეს პროექტს ღირსეულად გაუმკლავდებიან“, - ნათქვამია განცხადებაში.

კომპანიის იურიდიული მრჩეველი, გიგა კვერენჩხილაძე აცხადებს, ფაუერჩაინა/სინოჰიდრო ტენდერის შედეგად შეირჩა.

„ ეს იყო საერთაშორისო ტენდერი, სადაც მნიშვნელოვანი არ არის მხოლოდ ფასი. გაცილებით დიდი მნიშვნელობა ენიჭება კომპანიის კვალიფიკაციას, გამოცდილებას და, რაც მთავარია, რესურსებს. ანუ, რამდენად შეუძლია კომპანიას ამ მასშტაბის პროექტის დაძლევა. დონორი, ანუ არაბთა ეკონომიკური განვითარების ქუვეითის ფონდი (KFAED) რომ არ ყოფილიყო ჩვენს შესაძლებლობებში დარწმუნებული, არ მოგვცემდა ამ პროექტის განხორციელების უფლებას. ცხადია, მნიშვნელოვანია ვადებიც. ვფიქრობ, ყველა ამ გამოწვევის დაძლევას შევძლებთ,“ - აცხადებს კომპანიის იურიდიული მრჩეველი, გიგა კვერენჩხილაძე.

„სინოჰიდროში“ აღნიშნავენ, რომ მათი ერთ-ერთი მთავარი ძლიერი მხარე თანამედროვე ტექნოლოგიებია. გარდა ამისა, პროექტის ხარისხიანად შესრულებაში ეხმარებათ ის ფაქტიც, რომ პანდემიის პირობებში საზღვარგარეთიდან არც მუშახელის და არც ტექნიკური აღჭურვილობის შემოყვანას არ საჭიროებენ, რადგან ბაზები საქართველოში აქვთ განთავსებული.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით