"ქართული ოცნება" რომელიც გვეუბნება, რომ მისი მთავარი გამოწვევა სიღარიბის დაძლევა და ქვეყნის ეკონომიკის განვითარებაა, წარმოგვიდგენს საარჩევნო სიის ოცეულს, რომელშიც 8- წლიანი წარუმატებელი მმართველობის შემოქმედები, 20 ივნისის მთავარი ანტიგმირები, გავრილოვის ჩამომყვანები, ბავშვებისთვის თავლების დამთხრელები და ასევე წარმატებული სპორტსმენები შედიან, რომლებსაც არც პოლიტიკის გაეგებათ რამე და არც ეკონომიკის " - ასე გამოეხმაურა "ქართული ოცნების" საარჩევნო სიის პირველი ოცეულის წარდგენას პარტია "მოქალაქეების" გენერალური მდივანი ივანე ნორაკიძე.
მისი თქმით, ნათლად ჩანს, რომ "ქართული ოცნება" მმართველობის იგივე ფორმის შენარჩუნებას აპირებს, როდესაც ერთი ადამიანი -ბიძინა ივანიშვილი გასცემს ბრძანებას და ყველა მისი ქვეშევრდომი უსიტყვოდ ასრულებს მას.
"წარდგენილი სიაში არცერთი დამოუკიდებელი და პრინციპული ადამიანი არ არის, შესაბამისად, არანაირი ოპტიმიზმის საფუძველი არ უნდა გვქონდეს, რომ ეს ხალხი ქვეყანას მართლა უკეთესობისკენ შეცვლის, რადგან მათი ერთადერთი დანიშნულება ივანიშვილისადმი უსიტყვო მორჩილება იქნება და არა ხალხზე ზრუნვა " - აცხადებს ივანე ნორაკიძე, რომლის კომენტარსაც პარტია "მოქალაქეების" პრესსამსახური ავრცელებს.