ჯანდაცვის მინისტრის ეკატერინე ტიკარაძის განცხადებით, ამ დროისთვის, საქართველოს მასშტაბით, მიმდინარეობს დამატებითი 2400 საწოლის მობილიზება.
როგორც მან ჟურნალისტებს განუცხადა, მომდევნო 72 საათის განმავლობაში კოვიდის სამართავად სახელმწიფოს 3000 საწოლი ექნება.
„პარალელურად მიმდინარეობს სასტუმროების მობილიზება. დღეის მდგომარეობით, უკვე სამასი საწოლია მობილიზებული და ვმუშაობთ დამატებით, რომ შეიქმნას ასევე მაღალი მოცულობა სასტუმროებში, რათა უსიმპტომო კოვიდიანი პაციენტები დროულად გადავიყვანოთ", - განაცხადა ტიკარაძემ.