„ვითიბი ბანკმა“ ვაკის პარკში მდებარე ჩოგბურთის კორტების რეაბილიტაციაში მიიღო მონაწილეობა. როგორც „ინტერპრესნიუსს“„ვითიბი ბანკიდან“ აცნობეს, ვაკის პარკის სამივე კორტზე გამოიცვალა ძველი საფარი და სრულიად ახალი უმაღლესი ხარისხის საფარით ჩანაცვლდა. დამონტაჟდა გასახდელები და საშხაპეები. სამივე კორტი ჯამში 1900 კვადრატულ მეტრ ფართობზე მდებარეობს.

მათივე ინფორმაციით, 10 წელიწადზე მეტია, რაც ვითიბი ბანკი ქართული სპორტის #1 ქომაგია. „ სპორტის სახეობების და სპორტსმენების მხარდაჭერა ერთ-ერთი უმნიშვნელოვანესი მიმართულებაა ჩვენი ბანკისთვის. ამ პროექტში მონაწილეობა მივიღეთ, რადგან გვესმის რაოდენ მნიშვნელოვანია გამართული ინფრასტრუქტურა სპორტის ნებისმიერი სახეობის განვითარებისთვის“,-აცხადებენ „ვითიბი ბანკში“.