ნინო ბურჯანაძე „ქართული ოცნების“ სიაზე - ამ სიას ჰქვია ბიძინა, ბიძინა და ისევ ბიძინა!

„ვინც არ უნდა იყოს სიის პირველ ხუთეულში, ან მე-10, მე-15, მე- 19 და ასე შემდეგ, ჩვენ ყველამ ვიცით, რომ გადაწყვეტილებას მიიღებს მხოლოდ ერთი კაცი და ამ გადაწყვეტილებას დანარჩენებამდე მოიტანს პირველი ხუთეული. ამ სიას შეგიძლიათ დაარქვათ- ბიძინა, ბიძინა, ბიძინა! პირველი ნომრიდან 120-მდე გვაქვს მხოლოდ ბიძინა, - ასე შეაფასა „ერთიანი საქართველოს“ ლიდერმა ნინო ბურჯანაძემ „ქართული ოცნების“ მიერ წარდგენილი ოცეული.

ნინო ბურჯანაძის განცხადებით, ახალი სახე არ შეიძლება იყოს თვითმიზანი, თუმცა პირველი შთაბეჭდილება არ იყო ცუდი.

„თუმცა, მათზე დადებითად არ მეტყველებს ის ფაქტი, რომ ოლიგარქის სიაში ყოფნას დათანხმდნენ, განსაკუთრებით მაშინ, როდესაც ამ ოლიგარქს ქვეყანა ჯიბეში აქვს ჩადებული. ვიდრე მოვუსმენდი იმ ახალგაზრდების გამოსვლებს, ვინც ახალ სიაშია, სადღაც იმედი გამიჩნდა, რომ იქნებ საჭიროების შემთხვევაში, მათ მოეხერხებინათ ბიძინა ივანიშვილისთვის წინააღმდეგობის გაწევა და არ გამხდარიყვნენ ფეოდალური მმართველის ვასალები, თუმცა, მათი გამოსვლებიდან გამომდინარე, სადაც ამბობდნენ, რომ თურმე დღევანდელი პარლამენტი ყოფილა უნიკალური პარლამენტი საქართველოს ისტორიაში და არც ერთი სხვა მოწვევის პარლამენტს ასეთი საკანონმდებლო საქმიანობა არ განუხორციელებია, რომ თურმე საკონტროლო ფუნქცია ლამის ამერიკის კონგრესსზე ძლიერი ჰქონია ამ პარლამენტს, საბოლოოდ დავრწმუნდი, რომ ბიძინა ივანიშვილმა იცის ადამიანების მონური მორჩილების კრიტერიუმით არჩევა და როგორც ჩანს, მან ეს ჩვეული კრიტერიუმი ახლაც გამოიყენა“, -აცხადებს ნინო ბურჯანაძე.

ინფორმაციას „ერთიანი საქართველოს“ პრესსამსახური ავრცელებს.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„ელიტ ელექტრონიქსში“ iPhone 13-ის წინასწარი გაყიდვა დაიწყო
სამშენებლო გამოფენა და უძრავი ქონების ფორუმი - Caucasus Build ახალი კონცეფციით ბრუნდება
გლობალურმა ექსპერტმა კვების დარგში Herbalife Nutrition-მა თბილისში, ახალი ინოვაციური გაყიდვების ცენტრი გახსნა
„PSP ყველგან შენი ოჯახის გვერდით“ კამპანიის ფარგლებში მუხრანში ბრიტანული კონცეფციის აფთიაქი გაიხსნა
Bolt და Bolt Food პარტნიორი მძღოლებისა და კურიერების შვილებისთვის ახალ, საგანმანათლებლო პროგრამას იწყებენ