რომან გოცირიძე - გიული ალასანია ზუგდიდში რამდენიმე კანდიდატს შორის მოიაზრება, გიგი უგულავა კი სერიოზული კანდიდატია

ფრაქცია „ნაციონალური მოძრაობის“ თავმჯდომარე რომან გოცირიძე ადასტურებს, რომ ზუგდიდში პარტიის მაჟორიტარი დეპუტატობის ერთ-ერთ კანდიდატად, საქართველოს ყოფილი პრეზიდენტის, მიხეილ სააკაშვილის დედის, გიული ალასანიას კანდიდატურა მუშავდება.

როგორც რომან გოცირიძემ „პალიტრანიუსის“ გადაცემა „დღის ნიუსრუმში“ აღნიშნა, პარტიის მაჟორიტარობის კანდიდატების სია საზოგადოებისთვის 5-6 დღეში გახდება ცნობილი, უშუალოდ ზუგდიდში კი სხვა კანდიდატებს შორის გიული ალასანიაც მოიაზრება.

„რამდენიმე კანდიდატში ისიც მოიაზრება. გამორიცხული არაა, გადაწყვეტილებას მალე მივიღებთ“, - განაცხადა გოცირიძემ.

რაც შეეხება ზუგდიდში „ევროპული საქართველოს“ მაჟორიტარობის კანდიდატს, გიგი უგულავას, გოცირიძის თქმით, ის სერიოზული კანდიდატია.

„გიგი უგულავამ თქვა ერთხელ, არასდროს ზუგდიდში არ წავალო. ამიტომ არის პოლიტიკაში, „არასდროს თქვა არასდროს“. ახლა გიგი ზუგდიდში მონაწილეობს. ჩვენ ვიკვლევთ სხვადასხვა ოლქში, ვინ არის კონკურენტუნარიანი. გიგი უგულავა სერიოზული კანდიდატია.

ჩვენი მთავარი კონკურენტი არის „ქართული ოცნების“ წარმომადგენელი და მთავარი კონკურენცია იქნება იქ, მაგრამ ეს არ ნიშნავს იმას, რომ გიგი უგულავა არ არის წონიანი ფიგურა“, - განაცხადა გოცირიძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს