სომხეთში კორონავირუსთან დაკავშირებული კარანტინი 2021 წლის 11 იანვრამდე გახანგრძლივდა

სომხეთში კორონავირუსთან დაკავშირებით კარანტინი 2021 წლის 11 იანვრამდე გახანგრძლივდა. შესაბამისი ბრძანება ქვეყნის მინისტრთა კაბინეტის ვებგვერდზე გამოქვეყნდა.

მთავრობის გადაწყვეტილებით, საკარანტინო ვადის ამოწურვამდე, ქვეყანაში შესვლა სახმელეთო საზღვრიდან იკრძალება. გამონაკლისი დაიშვება მხოლოდ დიპლომატებისა და მათი ოჯახებისთვის. ქვეყანაში, ასევე, შესვლა შეეძლება სომხეთში დაკრძალვაზე და პანაშვიდებზე დასასწრებად ჩასულ პირებს. ქვეყნაში შესვლა არ აკრძალულა მძღოლებისთვის, რომლებიც საერთაშორისო გადაზიდვებზე მუშაობენ.

სომხეთის ტერიტორიაზე შემსვლელმა ყველა ადამიანმა სავალდებულო სამედიცინო შემოწმება უნდა გაიაროს.

ცნობისთვის, სომხეთში, ბოლო დღე-ღამეში კორონავირუსის 177 ახალი შემთხვევა გამოვლინდა და ინფიცირებულთა საერთო რაოდენობა 45 503- მდე გაიზარდა. ინფორმაციას სომხეთის ჯანდაცვის სამინისტროს დაავადებათა კონტროლისა და პრევენციის ცენტრი ავრცელებს.

ამასთან, ბოლო დღე-ღამეში ქვეყანაში "კოვიდ 19"-ს კიდევ 3 ადამიანის სიცოცხლე ემსხვერპლა და დაღუპულთა რიცხვმა 909-ს მიაღწია.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს