ერთმანეთს უნდა შევუქმნათ თანასწორი, სამართლიანი უფლებები იმისთვის, რომ ღირსეულად ვარჩინოთ ჩვენი შრომით ჩვენი ოჯახები, - ამის შესახებ საქართველოს მთავრობის მეთაურმა, გიორგი გახარიამ მცხეთაში, მცხეთის, დუშეთის, თიანეთის და ყაზბეგის მაჟორიტარი დეპუტატობის კანდიდატის, შალვა კერესელიძის წარდგენისას განაცხადა.
„ვინც რა უნდა თქვას, ჩვენ გვაქვს ჩვენი გეგმა, რომელსაც განვახორციელებთ. ამ გეგმის ცენტრში არის ადამიანი და მასზე ზრუნვა. მაშინ, როდესაც ქვეყანაში გლობალური პანდემიაა, ეს იქნება ჩვენი ძირითადი მიზანი დღესაც და ხვალაც. ამიტომაც უნდა შევთანხმდეთ, რომ მიზანმიმართულად უნდა ვიზრუნოთ ბავშვებზე, ხანდაზმულებზე. ჩვენ ყველამ ერთმანეთს უნდა შევუქმნათ თანასწორი, სამართლიანი უფლებები იმისთვის, რომ ღირსეულად ვარჩინოთ ჩვენი შრომით ჩვენი ოჯახები. ეს არის სამართლიანი, ეკონომიკურად ძლიერი სახელმწიფო, ის სახელმწიფო, რომელიც დღეს კიდევ უფრო ახლოს იყოს ევროპასთან ვიდრე იყო გუშინ და ხვალ ისე უნდა მიუახლოვდეთ, რომ ამ ქვეყნის ისტორიული მიზანი - ჩვენი ევროპულ ოჯახში დაბრუნება უნდა გახდეს შესაძლებელი. ეს ჩვენი ერთობლივი საქმეა“, - განაცხადა გახარიამ.