გერმანიაში, ბოლო 24 საათში, კორონავირუსის 1 630 ახალი შემთხვევა დადასტურდა და ინფიცირებულთა საერთო რაოდენობა 258 480-მდე გაიზარდა, - შესაბამის მონაცემებს რობერტ კოხის ინსტიტუტი ავრცელებს.

ამავე მონაცემების თანახმად, გერმანიაში კოვიდ 19-ს კიდევ 5 ადამიანის სიცოცხლე ემსხვერპლა და დაღუპულთა რიცხვმა 9 347-ს მიაღწია.

რაც შეეხება გლობალურ მონაცემებს, მსოფლიოში კოვიდინფიცირებულთა რაოდენობა 28 მილიონს აჭარბებს, აქედან 909 000-მდე ადამიანი დაღუპულია.