ინდოეთში, ბოლო 24 საათში, კორონავირუსის 97 570 ახალი შემთხვევა დადასტურდა და ინფიცირებულთა საერთო რაოდენობამ 4.65 მილიონს გადააჭარბა, - შესაბამის მონაცემებს ქვეყნის ჯანდაცვის სამინისტრო ავრცელებს.

ამავე მონაცემების თანახმად, ზედიზედ მეორე დღეა, ინდოეთში კორონავირუსის შემთხვევების რეკორდულად მაღალი დღიური მაჩვენებელი ფიქსირდება.

ყველაზე მეტი ინფიცირებული მაჰარაშტრას შტატშია, სადაც დადასტურებული შემთხვევების რაოდენობა 1 მილიონს აჭარბებს.

ქვეყნის ხელისუფლება შემთხვევების ზრდას განახლებულ ეკონომიკურ საქმიანობასა და ადგილობივ დღესასწაულებს უკავშირებს.

ცნობისათვის, კოვიდინფიცირებულების რაოდენობით ინდოეთი მხოლოდ აშშ-ს ჩამორჩება, სადაც, 6.4 მილიონზე მეტი შემთხვევაა დადასტურებული.