კატალონიაში ესპანეთისგან გამოყოფისა და რეგიონის დამოუკიდებლობის მოთხოვნით მასშტაბური საპროტესტო აქცია გაიმართა. მასში მონაწილეობას ათასობით ადამიანი იღებდა. აქციის ორგანიზატორ „კატალონიის ეროვნული ასამბლეის“ განცხადებით, მთელი რეგიონის მასშტაბით მათ 60 000-ზე მეტი ადამიანი შეუერთდა.
აქციის მონაწილეები ერთმანეთს შორის დისტანციას იცავდნენ და სახის დამცავ ნიღბებს ატარებდნენ.
ბარსელონაში გარკვეულმა ჯგუფმა არასანქცირებული მსვლელობა გაიმართა. მათ ესპანეთის მეფის, ფელიპეს ფიგურა დაწვეს.
შეგახსენებთ, ბოლო რამდენიმე წლის განმავლობაში კატალონიაში სეპარატიზმის მოთხოვნით ათობით მასშტაბური აქცია გაიმართა. 2017 წელს დამოუკიდებლობასთან დაკავშირებით კატალონიაში რეფერენდუმი გაიამართა, რასაც მხარი მოსახლეობის 92%-მა დაუჭირა.