სერგო ჩიხლაძე-ჩვენი მოთხოვნაა, ჯანდაცვის სამინისტრომ და უწყებათაშორისო საბჭომ  დეტალური ანგარიში წარმოადგინოს, თუ როგორ უმკლავდება კრიზისს

„სტრატეგია აღმაშენებლის" ერთ-ერთი ლიდერი სერგო ჩიხლაძე ქვეყანაში კორონავირუსის 158 ახალ შემთხვევას ეხმაურება და ჯანდაცვის სამინისტროსგან შექმნილი მდგომარეობდან გამოსავლის დეტალურ ანგარიშს ითხოვს, - ამის შესახებ „ინტერპრესნიუსს“ „სტრატეგია აღმაშენებლიდან“ აცნობეს.

სერგო ჩიხლაძის განცხადებით, „სტრატეგია აღმაშენებლი" მზად არის, შექმნილი კრიზისის დაძლევაში საკუთარი წვლილი შეიტანოს და მთავრობას მყისიერი ნაბიჯების გადადგმაში დახმარება შესთავაზოს.

„ქვეყანაში კოვიდ 19-ით დაინფიცირებულთა რიცხვი გეომეტრიული პროგრესით იზრდება, მონაცემები ყოველდღიურად მზარდია, რაც სახელმწიფოს მხრიდან მიზანმიმართულ და გამართულ ქმედებებს მოითხოვს. ჩვენი მოთხოვნაა, ჯანდაცვის სამინისტრომ და უწყებათაშორისო საბჭომ წარმოადგინოს დეტალური ანგარიში, თუ როგორ უმკლავდება კრიზისს მოქმედი მთავრობა, რა დონეზეა მომზადებული ქვეყანა, რამდენი სტაციონარია, რამდენი საწოლია, სად არის გადანაწილებული, არსებობს თუ არა ტესტების მარაგი, სად კეთდება ტესტირება და რამდენ ლოკაციაზე. შესაბამისად, ჯანდაცვის სამინისტორს მხრიდან გაჟღერებული 21 ლოკაცია საკმარისი არ არის, როგორ ხდება მობილური ადგილების შექმნა, რაც მთავრობის სტრატეგიაშია აღწერილი. ყველა აღნიშნულ საკითხზე მოვითხოვთ დეტალურ ანგარიშს, რათა საზოგადოება ინფორმირებული იყოს და თუ საჭიროა ჩვენც შევიტანოთ ჩვენი გარკვეული წვლილი ქვეყანაში შექმნილი კრიზისის დაძლევაში, რადგან მოგეხსენებათ „სტრატეგია აღმაშენებელმა" ტესტირების მექანიზმისა და პუნქტების გაშლის მთელი ქვეყნის მასშტაბით დეტალური ალგორითმი, ჯერ კიდევ აპრილში შექმნა", - განაცხადა სერგო ჩიხლაძემ.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 20.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს