პერუს პარლამენტმა პრეზიდენტისთვის იმპიჩმენტის პროცედურის დაწყებას მხარი დაუჭირა. ამ ინფორმაციას The Guardians ავრცელებს. რეზოლუციის პროექტს მხარი 65-მა დეპუტატმა დაუჭირა, მის წინააღმდეგ 36 წავიდა, 24-მა კი თავი შეიკავა. აღსანიშნავია, რომ რეზოლუციის მისაღებად 52 დეპუტატის თანხმობა იყო საჭირო. რეზლუციის ავტორების მტკიცებით, პერუს პრეზიდენტი მარტინ ვისკარა მომღერალ რიჩარდ სვინგის საქმის გამოძიებას აფერხებს და მასთან პირადი კონტაქტები აქვს.
თავად პრეზიდენტმა კი განაცხადა, რომ იმპიჩმენტის დაწყებით მის მოწინააღმდეგეებს ქვეყანაში დესტაბილიზაციის მოწყობა სურთ და გადადგომას არ აპირებს.
ახლა დეპუტატებმა იმპიჩმენტის საკითხზე საბოლოო კენჭისყრის თარიღი უნდა დაადგინონ. კენჭისყრამდე ვისკარას პარლამენტის წინაშე სიტყვით გამოსვლის შესაძლებლობა ექნება. იმპიჩმენტისთვის 130-მანდატიან პარლამენტში 87 ხმაა საჭირო.