პარლამენტის შენობასთან, პატიმრების დედებმა ფართომასშტაბიანი ამნისტიის მოთხოვნით აქცია გამართეს. როგორც აქციის ერთ-ერთმა ორგანიზატორმა ალექსანდრე კობაიძემ აღნიშნა, პარლამენტთან შეკრებული პირები საქართველოს ხელისუფლებას ფართომასშტაბიანი ამნისტიის გამოსაცემად 5 სამუშაო დღეს აძლევენ.
„უკვე ხუთი დღეა პატიმრების მშობლები შიმშილობენ. დღეს ერთი მოშიმშილე დედა გახდა ცუდად, ახლა საავადმყოფოშია გადაყვანილი. ჩვენ დღევანდელ ხელისუფლებას პარლამენტს ვაძლევთ ზუსტად 5 სამუშაო დღეს. თუ არ მიიღებენ ფარტომასშტაბიან ამნისტიას, ჩვენ მივმართავთ რადიკალურ ფორმებს. ეს ფორმები იქნება ის, რომ გადავკეტავთ გზებს და უფრო მეტი ვიქნებით და სხვადასხვა მოწოდებებს გავაკეთებთ. იმედი მაქვს, რომ არჩევნებამდე აღნიშნულ ამნიტიას მივაღწევთ, წინააღმდეგ შემთხვევაში, გაჩერებას არ ვაპირებთ“, - განაცხადა ალექსანდრე კობაიძემ.