ბელარუსის სპეცრაზმმა „ქალების მარშის“ 30-მდე მონაწილე დააკავა
ბელარუსში სპეცრაზმმა „ქალების მარშის“ 30-მდე მონაწილე დააკავა, - ამის შესახებ ინფორმაციას ადგილობრივი მედია ავრცელებს.
მათივე ინფორმაციით, ქალები ტრადიციული შაბათის საპროტესტო აქციის გასამართად მინსკში, „თავისუფლების მოედანზე“ შეიკრიბნენ. სამართალდამცავებმა დემონსტრანტებს დაშლისკენ მოუწოდეს, რადგან აქცია არასანქცირებული იყო, თუმცა ისინი მათ მოთხოვნას არ დაემორჩილნენ, რის შემდეგაც სპეცრაზმმა დაკავებები დაიწყო.
შეგახსენებთ, ბელარუსში საპროტესტო აქციები 9 აგვისტოს საპრეზიდენტო არჩევნების შემდეგ არ წყდება. საზოგადოების ნაწილი არჩევნების ოფიციალურ შედეგებს არ აღიარებს, პრეზიდენტ ალექსანდრე ლუკაშენკოს გადადგომასა და ხელახალი არჩევნების ჩატარებას მოითხოვს.
