თურქეთში, ანკარაში მტვრის ქარიშხალმა პრობლემები შექმნა. ქვიშის ქარიშხალი შაბათს დილით დაიწყო და დღის განმავლობაში გაძლიერდა. როგორც "დეილი საბაჰი" წერს, ქარიშხლის გამო უზარმაზარი მტვრის ღრუბლები შეიქმნა.

მტვრის ქარიშხლის გამო ხილვადობა შეზღუდული იყო, რამაც საცობები გამოიწვია.

ქალაქში კატასტროფებისა და საგანგებო სიტუაციების მართვის ორგანოს (AFAD) წარმომადგენლები იყვნენ მობილიზებული.

ანკარის გუბერნატორის, ვასიპ შაჰინის განცხადებით, ამ დროისთვის დაშავებულების შესახებ ინფორმაცია არ ვრცელდება.