„თავისუფალმა საქართველომ“ კახეთის მაჟორიტარ კანდიდატად მალხაზ ფილაური წარადგინა

„თავისუფალი საქართველო“ ერთადერთი ძალაა, რომელიც პოლიტიკურ და ეკონომიკურ ნეოლიბერალიზს ებრძვის. ქვეყანა ჩიხშია შესული, ხოლო საზოგადოება კაბალურ მდგომარეობაში, - ამის შესახებ დღეს, პარტიის ლიდერმა, კახა კუკავამ კახეთში შეკრებილ მხარდამჭერებთან განაცხადა.

მისი აზრით, სასწრაფოდ მისაღებია კანონი, რომელიც ქვეყანაში მევახშეობას აკრძალავს.

„აფხაზეთისა და ცხინვალის რეგიონის შემდეგ, თანამედროვე საქართველოში გაჩნდნენ ახალი სახის დევნილები და ეს ადამიანები - მევახშეებისგან, საკუთარი სახლ-კარიდან გამოდევნილები არიან. ჩვენ ბანკების საქმიანობის წინააღმდეგნი არ ვართ, მაგრამ ის, რომ ბანკირებმა, მევახშეობით დააგროვონ მილიონები და შემდეგ პოლიტიკოსებად და ხალხზე მზრუნველებად მოგვევლინონ, ამას ყოველთვის გავაპროტესტებთ“, - განაცხადა კახა კუკავამ.

მისივე თქმით, ზოგიერთი პოლიტიკური ძალა ცდილობს ხალხი იაფფასიანი დაპირებებით მოატყუოს.

„თავისუფალი საქართველო“ ვერავის დაჰპირდება 500 ლარიან პენსიას, საქართველოს ეკონომიკის პირობებში, ეს სრული აბსურდია, მაგრამ ჩვენ პოლიტიკურ ძალას უნარი შესწევს, რომ შარშან დაწყებული „იაფი მედიკამენტების პროგრამა“ მომავალშიც განაგრძოს და ხალხს ამ მიმართულებით რეალური დახმარება აღმოუჩინოს. მზად ვართ პანდემიის პირობებშიც კი, მომხმარებლებს, 300-400%-ანი შეღავათით მივაწოდოთ მედიკამენტები“,- აღნიშნა კახა კუკავამ.

„თავისუფალი საქართველოს“ კახეთის მაჟორიტარი დეპუტატობის კანდიდატის, მალხაზ ფილაურის თქმით, კახეთში, ისევე, როგორც მთელ საქართველოში: უმუშევრობის, უიმედობისა და ხვალინდელი დღის შიში უნდა დასრულდეს.

„რეგიონი ახალგაზრდებისგან იცლება, დღემდე მოუგვარებელია დასაქმების პრობლემა, დეფიციტია სასმელი და სარწყავი წყალი. წლიდან-წლამდე პრობლემა-პრობლემად რჩება, ხელისუფლებისგან, მხოლოდ დაპირებები ისმის და ისიც წინასაარჩევნოდ. ამიტომ, ახლა ხალხმა თავად უნდა გადაწყვიტოს საკუთარი ბედი“, - განაცხადა ფილაურმა და აღნიშნა, რომ 2020 წლის 31 ოქტომბრის საპარლამენტო არჩევნებში, საზოგადოება ქვეყნის განვითარებას დაუჭერს მხარს, ხოლო 1 -ელი ნოემბრიდან საქართველოში უკეთესი მომავლის ახალი ერა დაიწყება.

ინფორმაციას პარტია „თავისუფალი საქართველოს“ პრესსამსახური ავრცელებს.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე