ბექა ფერაძე - აჭარაში დაახლოებით 600 ბიზნეს სუბიექტს გაფრთხილება მიეცა, 15-მდე კი დაჯარიმდა

შრომის ინსპექტირების დეპარტამენტის უფროსის, ბექა ფერაძის განცხადებით, აჭარაში 600-მდე ბიზნეს სუბიექტს გაფრთხილება მიეცა, ხოლო 15 ობიექტი კორონავირუსთან დაკავშირებული რეკომენდაციების შეუსრულებლობის გამო დაჯარიმდა.

როგორც ფერაძემ აჭარის ჯანდაცვის სამინისტროში შეხვედრის შემდეგ განაცხადა, ვითარება ამ დროისთვის დამაკმაყოფილებელია.

მისივე თქმით, შემოწმდა, როგორც კვების, ასევე სპორტულ-გამაჯანსაღებელი ობიექტები, ქსელური მარკეტები და სავაჭრო ცენტრები.

„დაფიქსირდა ხარვეზები, სადაც საჯარიმო სანქციები გამოვიყენეთ, მათ შორის ქსელური მარკეტების მიმართ და ასევე დაფიქსირდა რამდენიმე სოციალური ღონისძიებაც, რის გამოც მოხდა 7-ჯერ სანქცირების გამოყენება. ვგულისხმობ, სარიტულაო ღონისძიებებს, ქორწილებს, ქელეხებს, იუბილეს.

ასევე მოხდა მუნიციპალური სატრანსპორტო საშუალებების გადამოწმება. ჯამში 300-მდე სატრანსპორტო საშუალება შეჩერდა და მათ შორის გაიცა გაფრთხილებები როგორც მოქალაქეების, ასევე მძღოლის მიმართ.

რეკომენდაციების შესრულების თვალსაზრისით სიტუაცია არის დამაკმაყოფილებელი. ჯამში დაახლოებით 600 ბიზნეს სუბიექტს მივეცით გაფრთხილება. დაჯარიმდა 15-მდე“,- განაცხადა ფერაძემ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა