რომის პაპი - რამდენი ტანჯვა, ჭრილობა, ომი შეიძლება თავიდან ავიცილოთ, თუკი შენდობა და წყალობა ჩვენი ცხოვრების წესი იქნება

რომის პაპმა ფრანცისკემ, ვატიკანში, წმინდა პეტრეს მოედანზე საკვირაო ქადაგების დროს, საბერძნეთის კუნძულ ლესბოსზე მდებარე უდიდეს ბანაკ „მორიას“ დაწვის გამო თავშესაფრის გარეშე დარჩენილი მიგრანტების მიმართ თანაგრძნობა გამოხატა.

„ბოლო დღეებში ხანძარმა გაანადგურა „მორიას“ ლტოლვილთა ბანაკი, ათასობით ადამიანი კი თავშესაფრის გარეშე დარჩა. სოლიდარობას ვუცხადებ ამ ტრაგიკული მოვლენის ყველა მსხვერპლს“, - აღნიშნა მან.

პაპმა ფრნცისკემ მსოფლიოს მასშტაბით გახშირებულ საპროტესტო აქციებზეც გაამახვილა ყურადღება. ფრანცისკეს განცხადებით, ეს პროტესტი "გამოხატავს მზარდ იმედგაცრუებას", რომელსაც ხალხი გარკვეულ კრიტიკულ პოლიტიკურ და სოციალურ სიტუაციებთან დაკავშირებით განიცდის.

მან დემონსტრანტებს მოუწოდა, საკუთარი მოთხოვნები აგრესიისა და ძალადობის გარეშე, მშვიდობიანად გამოხატონ. რომის პაპმა, ხელისუფლების პირებსაც მოუწოდა, "მოუსმინონ საკუთარ მოქალაქეებს და მათ სამართლიან მისწრაფებებს, ადამიანის უფლებებისა და სამოქალაქო თავისუფლებების სრული პატივისცემის უზრუნველყოფით".

„რამდენი ტანჯვა, რამდენი ჭრილობა, რამდენი ომი შეიძლება იქნას თავიდან აცილებული, თუკი შენდობა და წყალობა ჩვენი ცხოვრების წესი იქნებოდა“, - დასძინა პაპმა.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„ელიტ ელექტრონიქსში“ iPhone 13-ის წინასწარი გაყიდვა დაიწყო
სამშენებლო გამოფენა და უძრავი ქონების ფორუმი - Caucasus Build ახალი კონცეფციით ბრუნდება
გლობალურმა ექსპერტმა კვების დარგში Herbalife Nutrition-მა თბილისში, ახალი ინოვაციური გაყიდვების ცენტრი გახსნა
„PSP ყველგან შენი ოჯახის გვერდით“ კამპანიის ფარგლებში მუხრანში ბრიტანული კონცეფციის აფთიაქი გაიხსნა
Bolt და Bolt Food პარტნიორი მძღოლებისა და კურიერების შვილებისთვის ახალ, საგანმანათლებლო პროგრამას იწყებენ