ისნის გამგეობა ლანა გალდავას მიერ ნოე ხომერიკის ქუჩის რეაბილიტაციასთან დაკავშირებით გავრცელებული ინფორმაციის თაობაზე განცხადებას ავრცელებს

ისნის რაიონის გამგეობა "ლელოს" ისნის რაიონის მაჟორიტარი დეპუტატობის კანდიდატის, ლანა გალდავას მიერ, ნოე ხომერიკის ქუჩის რეაბილიტაციასთან დაკავშირებით გავრცელებულ ინფორმაციასთან დაკავშირებით განცხადებას ავრცელებს.

როგორც გამგეობის მიერ გავრცელებულ განცხადებაშია ნათქვამი, „ლელოს“ ისნის რაიონის მაჟორიტარი დეპუტატის განცხადება, თითქოს ხომერიკის ქუჩაზე გზა ორი წლის განმავლობაში ვერ დაიგო და სარეაბილიტაციო სამუშაოები შრომის უსაფრთხოების დარღვევით მიმდინარეობს, სიცრუეა.

„გვინდა გამოვეხმაუროთ "ლელოს" ისნის რაიონის მაჟორიტარი დეპუტატობის კანდიდატის მიერ, ნოე ხომერიკის ქუჩის რეაბილიტაციასთან დაკავშირებით გავრცელებულ დეზინფორმაციას.

კანდიდატის განცხადება, თითქოს ხომერიკის ქუჩაზე გზა ორი წლის განმავლობაში ვერ დაიგო და სარეაბილიტაციო სამუშაოები შრომის უსაფრთხოების დარღვევით მიმდინარეობს, არის სრული სიცრუე.

კანდიდატმა ასევე, იცრუა ქუჩის რეაბილიტაციისათვის განკუთვნილ თანხებზე, რომელიც, მისი მტკიცებით, რამდენჯერმე გამოიყო და არამიზნობრივად დაიხარჯა, რაც არის ტყუილი და მიზნად ისახავს მოსახლეობის შეცდომაში შეყვანას.

გვინდა საზოგადოებას ვაცნობოთ, რომ ნოე ხომერიკის ქუჩაზე სარეაბილიტაციო სამუშაოები პირველად ხორციელდება და იგი ისნის რაიონის გამგეობამ, მიმდინარე წლის მარტში დაიწყო. პანდემიასთან დაკავშირებული შეზღუდვების მიუხედავად, სამუშაოები გეგმა-გრაფიკის შესაბამისად, შეუფერხებლად მიმდინარეობს.

პირველ ეტაპზე, სარეაბილიტაციო სამუშაოები კომპანია GWP-მ განახორციელა, რაც ხუთ თვეს გაგრძელდა და სრულად შეიცვალა წყალარინები თუ წყალმიმღები 550-მეტრიანი ქსელი.

შემდგომ ეტაპზე, ერთი თვის განმავლობაში, კომპანია "თბილისი ენერჯიმ" მიწისქვეშ განათავსა და სრულად შეცვალა გაზგაყვანილობის მილები. ასევე, მიწისქვეშ განთავსდა

“მაგთის, “ახალი ქსელების” “სილქნეტის” და გარე განათების სადენები.

აღნიშნული სამუშაოების დასრულებისთანავე, დაიწყო გზის კაპიტალური შეკეთების სამუშაოები.

ჩატარდა არსებული რიყის ქვისგან მოწყობილი ქვაფენილის დემონტაჟი და 9 045 კვ.მ. ფართობზე ასფალტის ორფენიანი საფარი მოეწყობა, რომლის ღირებულება 847 000 ლარია. დამონტაჟდა მიწისზედა სახანძრო ჰიდრანტი.

აღნიშნულ ქუჩაზე წლების განმავლობაში არ არსებობდა საფეხმავლო ბილიკები. გზის ორივე მხარეს ასევე, მოეწყობა შშმ პირებისათვის ადაპტირებული ტროტუარები. დამონტაჟდება თანამედროვე ტიპის გარე განათების ბოძები თავისი LED სანათებით. მოეწყობა სანიაღვრე ქსელის მიმღები ჭები.

ისნის რაიონის გამგეობა სრული პასუხისმგებლობით აცხადებს, რომ აღნიშნულ სამუშაოებთან დაკავშირებით რაიონის გამგებელი და გამგეობის წარმომადგენლები პერიოდულად მართავდნენ მოსახლეობასთან საინფორმაციო სახის შეხვედრებს და მოსახლეობას აქვს სრული ინფორმაცია პროექტის მიმდინარეობისა და შესრულების ვადების შესახებ.

მოვუწოდებთ პოლიტიკური პარტიების წარმომადგენლებს, ნუ მიაყენებთ შეურაცხყოფას ადამიანებს, რომლებიც კეთილსინდისიერად შრომობენ ქალაქის საკეთილდღეოდ და ნუ ცდილობთ საზოგადოების დეზინფორმირებას“,- ნათქვამია ინფორმაციაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს