მსოფლიოში კორონავირუსით დაინფიცირებულთა საერთო რაოდენობამ 29 მილიონს გადააჭარბა. Worldometers-ის მონაცემებით, ვირუსი ამ დრომდე 29 055 600-ზე მეტ ადამიანს აღმოაჩნდა, ხოლო მათგან 926 028 პაციენტი გარდაიცვალა.
ამავე მონაცემების თანახმად, მსოფლიოში ვირუსისგან განკურნებულთა რიცხვი 20.9 მილიონს აღემატება. ამჟამად აქტიური შემთხვევების რიცხვი 7.2 მილიონია.
დაავადებულთა და გარდაცვლილთა რაოდენობით მსოფლიოში კვლავ აშშ ლიდერობს. აქ ვირუსის 6.69 მილიონზე მეტი შემთხვევა გამოვლინდა და 198 000-ზე მეტი პირი გარდაიცვალა. მეორე ადგილზეა ინდოეთი 4.8 მილიონი ინფიცირებულით, ხოლო მესამეზე - ბრაზილია, სადაც „კოვიდ-19“ 4.3 მილიონზე მეტ ადამიანს დაუდასტურდა.