სომხეთის სკოლებში სასწავლო პროცესი განახლდა
სომხეთის სკოლებში დღეიდან სასწავლო პროცესი განახლდა, - ამის შესახებ ინფორმაციას ადგილობრივი მედია ავრცელებს.
მათივე ინფორმაციით, დღეს სკოლები პირველკლასელებისთვის გაიხსნა, ხვალიდან კი სწავლას დანარჩენი კლასის მოსწავლეებიც განაახლებენ.
გაკვეთილების დაწყებამდე მოსწავლეები თერმოსკრინინგს გადიან და ხელებს სადეზინფექციო ხსნარით იმუშავებენ.
გარდა ამისა, მთავრობის მიერ გამოცემული გაიდლაინების მიხედვით, სკოლების მოსწავლეებსა და მასწავლებლებს პირბადეების ტარება ევალებათ, იზღუდება სკოლის შენობის შიგნით მოსწავლეების გადაადგილება, ასევე ახლო კონტაქტები.
