მარინა ეზუგბაია - კორონავირუსით ინფიცირებულებიდან კრიტიკულად მძიმე 5 პაციენტია, მძიმე პაციენტების სია კი 30-მდე გაიზარდა

ინფექციური საავადმყოფოს სამედიცინო დირექტორის მარინა ეზუგბაიას განცხადებით, ქვეყანაში კორონავირუსით ინფიცირებული 5 კრიტიკულად მძიმე და 30 მძიმე პაციენტი მკურნალობს.

როგორც მარინა ეზუგბაიამ ჟურნალისტებს განუცხადა, ბოლო 24 საათში კორონავირუსისგან მხოლოდ 1 პაციენტი განიკურნა.

„გამოჯანმრთელებული მხოლოდ 1 გვყავს. 1369 იყო და 1370 გახდა. გამოჯანმრთელებულების პროცენტული რაოდენობა შემცირდა. მკურნალობას გადის 1000-ზე ნაკლები პაციენტი.

ეს პაციენტები ძირითადად გადანაწილებულები არიან, როგორც კორონავირუსის სამკურნალო ცენტრებში, ასევე საიზოლაციო სამკურნალო მეთვალყურეობის საკარანტინო სივრცის სასტუმროებში, ქეთაისში, ბათუმსა და თბილისში.

ინფიცირებულებიდან კრიტიკულად მძიმე 5 პაციენტია, მძიმე პაციენტების სია კი 30-მდე გაიზარდა.

ყველა მათგანის კონტროლი მაქსიმალურად მიმდინარეობს, 24 საათის განმავლობაში პროგრესირება არ შეინიშნება. იმედია, სიტუაცია სტაბილური იქნება.

დანარჩენი პაციენტების მდგომარეობა საშუალო და საშუალოზე მსუბუქია“,- განაცხადა მარინა ეზუგბაიამ.

რაც შეეხება თბილისის ინფექციურ საავადმყოფოს, მარინა ეზუგბაიას ინფორმაციით, კლინიკაში 28 ინფიცირებული მკურნალობს, აქედან 1 კრიტიკულად მძიმე, 2 კი მძიმე პაციენტია.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს