გაერო-ს ადამიანის უფლებების საბჭო ბელარუსის საკითხზე საგანგებო დებატების გამართვის შესახებ ევროკავშირის შეთავაზებას დათანხმდა, - ამის შესახებ ინფორმაციას „როიტერსი“ ავრცელებს.

სააგენტოს ცნობით, საბჭოს პრეზიდენტმა ელიზაბეტ თიჩი ფისლბერგერმა განაცხადა, რომ შეთავაზებას საბჭოს 25-მა წევრმა დაუჭირა მხარი, 20-მა - თავი შეიკავა, 2 კი - წინააღმდეგი წავიდა.

„კვლავ ვრცელდება ინფორმაცია სამართალდამცავების მხრიდან არასაჭირო და გადამეტებული ძალის გამოყენების შესახებ. შეზღუდული მტკიცებულება არსებობს იმის შესახებ, რომ ხელისუფლება ამ დარღვევების აღმოსაფხვრელად რაიმე ნაბიჯებს დგამს,“- აღნიშნა გაერო-ს უმაღლესმა კომისარმა ადამიანის უფლებების საკითხებში მიშელ ბაჩელეტიმ.

შეგახსენებთ, ევროკავშირი და სხვა კრიტიკოსები ბელარუსის ხელისუფლებას ოპოზიციის ლიდერების დაკავებასა და ალექსანადრე ლუკაშენკოს გადადგომის მოთხოვნით მიმდინარე საპროტესტო აქციების მშვიდობიანი მონაწილეების დარბევაში ადანაშაულებენ.