ფაბრიკაში, პროექტის „ფოტოისტორიები „რეგიონიდან“ პრეზენტაცია და გამოფენა გაიმართება

16 სექტემბერს, ფაბრიკაში, პროექტის „ფოტოისტორიები „რეგიონიდან“ პრეზენტაცია და გამოფენა გაიმართება.

როგორც „ინტერპრესნიუსს“ ორგანიზატორებმა აცნობეს, ექსპოზიციაზე დამთვალიერებელი ახალგაზრდა ფოტოხელოვანების ნამუშევრებს გაეცნობა. ფოტოისტორიები სხვადასხვა ქალაქში მცხოვრები ადამიანების, არსებული საინტერესო ადგილებისა და ჩატარებული ღონისძიებების შესახებ არის მომზადებული, მათ შორის: სოხუმში, გაგრაში, ახალ ათონში, ცხინვალში.

მათივე ინფორმაციით, პროექტის ფარგლებში გადაღებული ფოტომასალები ნათლად ასახავს ადგილობრივ პრობლემებს, მაცხოვრებლების ყოფა-ცხოვრებასა და ყოველდღიურობას. ფოტოჟურნალისტებმა საზოგადოებას საინტერესო და ზოგჯერ მივიწყებული პროფესიების ადამიანებიც წარუდგინეს, ყურადღების მიღმა რეგიონში მცხოვრები ქალების წინაშე არსებული გამოწვევაც არ დარჩენიათ.

ორგანიზატორებმა ახალგაზრდებისთვის კონკურსიც ჩაატარეს, რომლის ფარგლებშიც ნებისმიერ მსურველს შეეძლო მისთვის მნიშვნელოვან თემაზე ფოტოისტორია მოემზადებინა. კონკურსში 100-ზე მეტი ახალგაზრდა ჩაერთო, გამარჯვებული დასკვნით ღონისძიებაზე გამოვლინდება.

პროექტს „ფოტოისტორიები „რეგიონიდან““ ფრიდრიხ ებერტის ფონდი და თავისუფალი ასოციაცია ახორციელებენ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს