პაატა იმნაძე - ვიდრე კორონავირუსი დედამიწაზეა, საქართველოში ვერ გააქრობ, ვიცხოვრებთ მასთან ერთად

კორონავირუსს ვერ გააქრობს ვერავინ, საქართველო დედამიწაზეა და ვიდრე დედამიწაზე იქნება, საქართველოშიც ვერ გააქრობ,- ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილემ პაატა იმნაძემ „პალიტრანიუსის“ გადაცემა „360 გრადუსში“ განაცხადა.

მისი თქმით, ჩვენ უნდა ვიცხოვროთ კორონავირუსთან ერთად და დავიცვათ მარტივი წესები.

„მარტივი წესები დარჩა შესასრულებელი - ნიღაბი, დისტანცია, ხელის ჰიგიენა. რაც შეეხება იმას თუ როგორ უნდა ვმართოთ სიტუაცია, მე მესმის, რომ ყველა ექსპერტი საქართველოშია - ჩემს ახალგაზრდობაში ფეხბურთის ექსპერტი იყო ყველა და ახლა ყველა ყველაფრის ექსპერტია, მათ შორის, კორონასი“, - განაცხადა პაატა იმნაძემ.

მისივე განმარტებით, მსოფლიოში კრიტიკულად მიიჩნევა, თუ ჩატარებულ ტესტირებებში 5%-ზე მეტ ადამიანს კორონავირუსის არსებობა დაუდასტურდა. იმნაძის თქმით, საქართველოში ეს მაჩვენებელი ახლა მიუახლოვდა 2%-ს.

„რაც შეეხება ტესტირებას, ხომ არ შეიძლება ბეღურების გუნდი რომ მოფრინავს, იმას ესროლო ბალისტიკური რაკეტები, საფანტიანი თოფი უნდა გქონდეს. აქედან გამომდინარე, ელემენტარული რაღაცებია, უმრავლეს ქვეყნებში ითვლება კრიტიკულად, როდესაც 5%-ზე მეტია ტესტირებულებში გამოვლენის შემთხვევები, ე.ი. ტესტები უნდა მოუმატო. ჩვენ მთელი ეს პერიოდი ტესტირებებში დადებითების პროცენტი სადღაც 1%-ზე ნაკლები გვქონდა, ახლა სადღაც 2 %-ს მივუახლოვდით. ასე რომ, ტესტირება გაიზარდა მაშინ, როცა საჭირო იყო.“, - განაცხადა პაატა იმნაძემ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა