ბრაზილიაში ბოლო დღე-ღამეში კორონავირუსის 15 155 ახალი შემთხვევა გამოვლინდა, 381 ინფიცირებული კი გარდაიცვალა. შესაბამის მონაცემებს „როიტერსი“ ქვეყნის ჯანდაცვის სამინისტროზე დაყრდნობით ავრცელებს.
საერთო ჯამში, ბრაზილიაში რეგისტრირებულია კოვიდ19-ის 4 345 000-ზე მეტი შემთხვევა, პანდემიის მსხვერპლთა რაოდენობამ კი, 132 000-ს გადააჭარბა.
გარდაცვლილთა რაოდენობით ბრაზილია მსოფლიოში მეორე ადგილზეა აშშ-ის შემდეგ. აღსანიშნავია, რომ ბოლო რამდენიმე კვირაა, ბრაზილიაში კორონავირუსით ინფიცირების მაჩვენებლისა და გარდაცვლილთა რაოდენობის კლების ტენდენცია შეინიშნება.