აშშ-ის სამხრეთ-აღმოსავლეთ ნაწილს ქარიშხალი „სალი“ უახლოვდება. ამ ინფორმაციას ქვეყნის ქარიშხლების ეროვნული ცენტრი ავრცელებს.
მეტეოროლოგების მტკიცებით, ქარის სიჩქარე 85 კმ/სთ-მდე გაიზრდება, რის გამოც მას მეორე კატეგორია მიენიჭა. მათი თქმით, ქარიშხალი აშშ-ის სანაპიროს სამშაბათს მიუახლოვდება და ლუიზიანას, ფლორიდას, მისისიპისა და ალაბამას შტატებს გადაუვლის.
სტიქიური უბედურების გამო ალაბამასა და მისისიპის შტატებში საგანგებო მდგომარეობა გამოცხადდა. BBC-ის ინფორმაციით, ქარიშხალი განსაკუთრებით ძლიერი ახალ ორლეანთან იქნება, რის გამოც ხელისუფლებამ ქალაქიდან მოსახლეობის ევაკუაციის გადაწყვეტილება მიიღო.