თამარ გაბუნია - პანდემიასთან გამკვლავებაში საქართველოს წარმატება მნიშვნელოვნად განაპირობა პარტნიორების მხარდაჭერამ და მულტისექტორულმა მიდგომამ

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის პირველმა მოადგილემ თამარ გაბუნიამ ჯანმრთელობის მსოფლიო ორგანიზაციის ევროპის რეგიონალური კომიტეტის 70-ე სესიაში მიიღო მონაწილეობა, რომელიც ვირტუალურ ფორმატში გაიმართა.

მინისტრის მოადგილემ თავის გამოსვლაში ის მნიშვნელოვანი საქმიანობა მიმოიხილა, რომელიც საქართველოს მთავრობამ განახორციელა COVID-პანდემიასთან ბრძოლის პროცესში და ხაზი გაუსვა იმ გამოწვევებს, რომლის წინაშეც აღმოჩნდა ჯანდაცვის სისტემა.

„COVID-19 ინფექციის შემთხვევების შემცირების მიზნით საქართველოს მთავრობამ იანვრიდან მკვეთრ ზომებს მიმართა, რომელიც მოიცავდა სოციალურ დისტანცირებას, სამედიცინო და საზოგადოებრივი ჯანდაცვის დაწესებულებების სრულ მობილიზებას, დროულ ტესტირებას და კონტაქტების კვლევას. COVID-19-ის კრიზისმა ჩვენ ნათლად დაგვანახა ჯანდაცვის სისტემაში არსებული გამოწვევები, როგორიცაა ადამიანური რესურების მობილიზების, ხარისხიან დიაგნოსტირებაზე თანაბარი ხელმისაწვდომობის და კრიტიკული შემთხვევების მართვის საკითხები“, - განაცხადა მინისტრის პირველმა მოადგილემ.

თამარ გაბუნიამ სიტყვით გამოსვლისას განსაკუთრებული აქცენტი გააკეთა საქართველოში სახელმწიფო და კერძო პარტნიორობის საკითხზე.

„პანდემიის პირობებში საქართველოსთვის კიდევ უფრო მნიშვნელოვანი გახდა ჯანდაცვის სექტორში სახელმწიფო-კერძო პარტნიორობის ჩარჩოს გადახედვა და დიალოგის დაწყება, რომელიც მიზნად ისახავს სახელმწიფო და კერძო დაწესებულებების როლების განსაზღვრას საგანგებო სიტუაციებზე რეაგირების დროს. რამდენადაც საქართველოში სამედიცინო დაწესებულებების 85% კერძო საკუთრებაა, მთავრობამ მიიღო გადაწყვეტილება კერძო დაწესებულებების შესაძლებლობების გამოყენების პარალელურად, გააძლიეროს სახელმწიფო დაწესებულებები და მოახდინოს არსებული ხარვეზების კორექტირება. ინფექციის კონტროლის მარეგულირებელი ჩარჩოს შექმნა, კრიტიკული შემთხვევების მართვის გაუმჯობესება, პირველადი ჯანდაცვის სერვისების და ლაბორატორიული შესაძლებლობების გაძლიერება წარმოადგენს ინვესტირების უმთავრეს პრიორიტეტებს“, - აღნიშნა თამარ გაბუნიამ სიტყვით გამოსვლისას.

მინისტრის მოადგილემ გამოსვლის დასასრულს აღნიშნა, რომ პანდემიასთან გამკვლავებაში საქართველოს წარმატება მნიშვნელოვნად განაპირობა პარტნიორების მხარდაჭერამ და მულტისექტორულმა მიდგომამ.

„ჩვენ არაერთმა პარტნიორმა შემოგვთავაზა დახმარება. მაისში საქართველომ წამოიწყო მსოფლიო კრიზისზე რეაგირების პროექტი, რომელსაც მხარს უჭერდა მსოფლიო ბანკი და აზიის ინფრასტრუქტურის ინვესტირების ბანკი. დამატებითი ინვესტიციები იქნება მობილიზებული 700-ზე მეტი საავადმყოფო საწოლის განახლებისა და საზოგადოებრივი ჯანდაცვის სერვისების გაძლიერების მიზნით. ჯანდაცვის სექტორმა უდიდესი მხარდაჭერა მიიღო სხვა ადგილობრივი სექტორებისგან. იმისათვის, რომ მულტისექტორული რეაგირების პროგრამებმა კარგად იმუშაონ, მნიშვნელოვანია გვქონდეს კარგი ეროვნული საკოორდინაციო ორგანო და პასუხისმგებლობის ჩარჩო, რომელიც განსაზღვრავს სპეციფიკურ როლებს თითოეული დარგობრივი მოთამაშისთვის”,- განაცხადა თამარ გაბუნიამ.

ინფორმაციას საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო ავრცელებს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო