უკრაინაში ბოლო 24 საათში კორონავირუსის 2 905 შემთხვევა დაფიქსირდა. ინფორმაციას ქვეყნის ჯანდაცვის სამინისტრო ავრცელებს. შედეგად, უკრაინაში კოვიდინფიცირებულთა რიცხვმა 159 702-ს მიაღწია.

ამასთან, ბოლო დღე-ღამის განმავლობაში კორონავირუსით უკრაინაში კიდევ 53 ადამიანი გარდაიცვალა და კოვიდ-19-ით დაღუპულთა რიცხვმა 3 264-ს მიაღწია. ქვეყანაში ვირუსისგან უკვე განიკურნა 70 800-ზე მეტი პაციენტი.