გია ვოლსკი - სააკაშვილი საერთოდ გადაირია

ჯერ მეუღლე დააყენა კანდიდატად, ახლა დედა. შეპყრობილია ადამიანი - იქნებ თავის მომხრეებმა მაინც უთხრან, რომ არ შეიძლება ასე ბურთაობა ქვეყნის და რეგიონის ინტერესებით,- ამის შესახებ პარლამენტის ვიცე-სპიკერმა გია ვოლსკიმ პარლამენტის პლენარულს სხდომაზე, ყოფილ პრეზიდენტ მიხეილ სააკაშვილზე საუბრისას განაცხადა.

როგორც ის აცხადებს, საქართველოში რეალურად უფრო მეტი პრობლემაა მოსაგვარებელი, ვიდრე პოლიტიკური პარტიების ბანერების რაოდენობა და „ეს არ არის ის თემა, რომელიც უნდა წამოვაძახოთ ქვეყნის მმართველ გუნდს“.

„სააკაშვილი საერთოდ გადაირია. 11-ჯერ აქვს ნათქვამი, რომ საქართველოში ჩამოდის ხან ღრუბელ-ღრუბელ, ხან ზღვა-ზღვა და ხან ხმელეთით. ეს რაც დავითვალე, რაც არ დაგვითვლია, ალბათ რამდენჯერ აქვს ნათქვამი.

თურმე მან შექმნა ქართველი ერი. მან მოიტანა საქართველოში კულტურა. ამავე დროს უკიდურესად უგვანი სიტყვებით აგინებს ქართველ ერს, ხალხს. ჯერ მეუღლე დააყენა კანდიდატად, ახლა დედა. რაღაც მანია აქვს გრანდიოზულად ამ კაცს. შეპყრობილია ადამიანი. იქნებ თავის მომხრეებმა მაინც უთხრან, რომ არ შეიძლება ასე ბურთაობა ქვეყნის და რეგიონის ინტერესებით. არ შეიძლება ისეთი დამოკიდებულება ქვეყნის მიმართ, სადაც ჰგონია, რომ პანდემიის გავრცელება საშველია, სადაც ეს არაქართული ოცნება აგიხდება, რომ საქართველოს როდისმე სანქციებს დაადებენ, მითუმეტეს ამერიკის შეერთებული შტატები, რომელიც აქ ჩვენთან ერთად დღეს პოლიტიკურ, სამხედრო თუ ეკონომიკურ ურთიერთობებშია ასე ინტენსიურად ჩართული. ესაა რეალობა და ამ რეალობას თვალი უნდა გაუსწოროს ყველამ. ქვეყანა არ არის იმდენად კარგ მდგომარეობაში, ვიტრაბახოთ, რომ ყველა პრობლემა გადავჭერით. უამრავი პრობლემა დარჩა. პანდემიამ შემოგვიტია და ეს სვავები, ოჯახების და უბედურების გარშემოა მოგროვილი. ესაა რეალობა, რასაც ვუყურებთ. რეალური პრობლემა სხვაგან დევს და არა ბანერების რაოდენობაში, შეიძლება მეც არ მომწონდეს, მაგრამ რეალობა სხვა არის. ეს არ არის ის თემა, რომელიც უნდა წამოვაძახოთ ქვეყნის მმართველ გუნდს, რომელმაც უამრავი რამ გააკეთა, რომ სამშვიდობოს გამოიყვანოს ქვეყანა და ხალხი“,- განაცხადა ვოლსკიმ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს