ჩინეთში კორონავირუსის საწინააღმდეგო ვაქცინები საზოგადოებისთვის, შესაძლოა, მიმდინარე წლის ნოემბერში ან დეკემბერში გახდეს ხელმისაწვდომი,- მედიის ინფორმაციით, ამის შესახებ ჩინეთის დაავადებათა კონტროლისა და პრევენციის ცენტრის წარმომადგენელმა გუიჟენ ვუმ სახელმწიფო ტელევიზიასთან საუბრისას განაცხადა.

„კლინიკური ცდების მესამე ფაზა ძალიან კარგად ვითარდება და ვაქცინები საზოგადოებისთვის დაახლოებით ნოემბერში, ან დეკემბერში გახდება ხელმისაწვდომი ", - განაცხადა ექსპერტმა.

მისივე თქმით, ვაქცინაცია თვითონაც ჩაიტარა და არანაირი გვერდითი მოვლენა არ გამოუწვევია. თუმცა, გუიჟენ ვუს არ დაუკონკრეტებია, რომელ ვაქცინაზე იყო საუბარი.

ცნობისათვის, ჩინეთში კლინიკური გამოკვლევების ბოლო ეტაპს ოთხი პოტენციური ვაქცინა გადის.