„ეიპიემ ტერმინალს ფოთში“ მობილური ამწეებით რეკორდული სიმძიმის, 204-ტონიანი ტვირთი გადმოიცალა

„ეიპიემ ტერმინალს ფოთში“ მობილური ამწეებით რეკორდული სიმძიმის, 204-ტონიანი ტვირთი გადმოიცალა, - ამის შესახებ „ინტერპრესნიუსს“ ”ეიპიემ ტერმინალს ფოთიდან“ აცნობეს.

კომპანიის ინფორმაციით, სატრანსპორტო ლოგისტიკური კომპანია “ენ-ელ-ჯის“ ტვირთი ევროპიდან, ფოთის საზღვაო ნავსადგურის გავლით, სომხეთისკენ მიემართება. არაგაბარიტული ტვირთების (ე.წ. OOG ტვირთები) დამუშავების პროექტი მიმდინარე წელს დაიწყო და მოიცავს ოთხი სხვადასხვა ტექნიკა-დანადგარის გადატვირთვას, რომელთაგან სამი უკვე სექტემბრის ბოლომდე ნავმისადგომის ამწეების საშუალებით დამუშავდება ფოთის საზღვაო ნავსადგურში. აღნიშნული სამი ტვირთის ჯამური წონა 560 ტონას შეადგენს, რომელთაგან ყველაზე მძიმე, ფოთში გასულ კვირას უკვე გადაიტვირთა.

„საქართველოს პორტების ისტორიაში, პირველად ნავმისადგომის ამწეებით, დამუშავდა მსგავსი სიმძიმის არაგაბარიტული ტვირთი. გამორჩეულად აღსანიშნავია ჩვენი ტექნიკური და ოპერაციების გუნდების კომპეტენცია და მომხმარებელზე ორიენტირებული მონდომება, რისი წყალობითაც შესაძლებელი გახდა ამწის კონკრეტული პარამეტრების შეცვლა და ტვირთის გემიდან ნავმისადგომზე პარალელურ რეჟიმში ორი ამწით გადმოცლა. ნებისმიერი მსგავსი წამოწყება თუ პროექტი ეხმარება ჩვენი ნავსადგურის მომსახურებით მოსარგებლე კომპანიებს წარმატებულად და ეფექტურად გადაწყვიტონ მათი ლოგისტიკური ამოცანები“, - განაცხადა “ეიპიემ ტერმინალს ფოთის“ გენერალურმა დირექტორმა, კელდ მოსგაარდ ქრისტენსენმა.

როგორც “ეიპიემ ტერმინალს ფოთში” აცხადებენ, აღნიშნული არაგაბარიტული ტვირთი ყველაზე მძიმეა, რაც საქართველოს პორტებში აქამდე ნავმისადგომის ამწეებით გადამუშავებულა.

„ეიპიემ ტერმინალს ფოთის“ საოპერაციო და ტექნიკური გუნდის მობილიზებითა და მონდომებით, აღნიშნული პროექტი უსაფრთხოდ და წარმატებით მიმდინარეობს, რაც მნიშვნელოვანი მიღწევაა როგორც ფოთის საზღვაო ნავსადგურისთვის, ისე გადაზიდვების სფეროში მომუშავე მომხმარებლებისათვის.

აღსანიშნავია, რომ ამ წარმატება განაპირობა პროექტის წინარე აქტიურმა მოსამზადებელმა სამუშაოებმა, რომელიც მოიცავდა რამდენიმეთვიან ინტენსიურ მოლაპარაკებებსა და ლოგისტიკური გადაწყვეტილების ჩამოყალიბებას. ამასთან, არასტანდარტული სიმძიმის ტვირთის დასამუშავებლად, აუცილებელი გახდა ამწეების ტექნიკური მახასიათებლების ცვლილება, რაც ნავსადგურის ტექნიკურმა გუნდმა წარმატებით მოახერხა, ამწეების მწარმოებელ გერმანულ კომპანია “ლიბჰერთან“ კონსულტაციით”,-აღნიშნულია კომპანიის მიერ გავრცელებულ ინფორმაციაში.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა