რუსეთს ბელარუსისთვის კრედიტის სანაცვლოდ, კომერციულის გარდა არანაირი დამატებითი პირობა არ წაუყენებია, - ამის შესახებ კრემლის პრესპიკერმა დიმიტრი პესკოვმა განაცხადა.
„ნებისმიერ სესხს თან ახლავს კომერციული პირობები. სხვა პირობებზე საუბარი ვერ იქნება,“ - აღნიშნა პესკოვმა.
შეგახსენებთ, გუშინ სოჭში რუსეთის პრეზიდენტ ვლადიმერ პუტინსა და ბელარუსის პრეზიდენტ ალექსანდრე ლუკაშენკოს შორის პირისპირ შეხვედრა გაიმართა. შეხვედრის შემდეგ ცნობილი გახდა, რომ რუსეთი ბელარუსს 1,5 მილიარდი აშშ დოლარის ოდენობის კრედიტს გამოუყოფს.