ჟოზეფ ბორელი - უმკაცრესად ვგმობთ ალექსეი ნავალნის მკვლელობის მცდელობას

ევროკავშირის უმაღლესი წარმომადგენელი საგარეო პოლიტიკის საკითხებში ჟოზეფ ბორელი ალექსეი ნავალნისთან დაკავშირებულ ინციდენტს მკვლელობის მცდელობად აფასებს და რუსეთის ხელისუფლებას აღნიშნული საქმის გამოძიებასთან დაკავშირებით სრული თანამშრომლობისკენ მოუწოდებს.

„ალექსეი ნავალნის მკვლელობის მცდელობას უმკაცრესად ვგმობთ. გერმანიის მთავრობამ დაადასტურა, რომ ბატონი ნავალნი სამხედრო ქიმიკატითაა მოწამლული. გუშინ კი ეს დასკვნა საფრანგეთისა და შვედეთის ლაბორატორიებმაც დაამოწმეს. არსებობს იმის უეჭველი მტკიცებულება, რომ ნავალნის მკვლელობის მცდელობისთვის „ნოვიჩოკის“ ჯგუფის ნერვული აგენტი გამოიყენეს, იმის მსგავსი, რომელიც სერგეი და იულია სკრიპალების მკვლელობის მცდელობისასაც გამოიყენეს,“- აღნიშნა ჟოზეფ ბორელიმ ევროპარლამენტის სხდომაზე.

მისი განმარტებით, ქიმიური იარაღის გამოყენება, ნებისმიერ შემთხვევაში, საერთაშორისო კანონის დარღვევაა.

„ქიმიური იარაღის გამოყენება ნებისმიერი მხრის მიერ, ნებისმიერ ადგილას, ნებისმიერ დროსა და გარემოებებში წარმოადგენს საერთაშორისო კანონის და ადამიანის უფლებების საერთაშორისო სტანდარტების სერიოზულ დარღვევას. კვლავ მოვუწოდებთ რუსეთის ხელისუფლებას, რომ ამ საქმის გამოძიებასთან დაკავშირებით სრულად ითანამშრომლოს, განსაკუთრებით კი „ქიმიური იარაღის აკრძალვის ორგანიზაციასთან“, - აღნიშნა ჟოზეფ ბორელიმ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით