პარლამენტთან მშობლებმა დისტანციური სწავლების გაუქმების მოთხოვნით აქცია გამართეს

საქართველოს პარლამენტთან მშობლებმა დისტანციური სწავლების გაუქმების მოთხოვნით აქცია გამართეს.

აქციის მონაწილეები აცხადებენ, რომ ონლაინ სწავლება მათ შვილებზე უარყოფითად აისახება და სხვადასხვა პრობლემებთანაა დაკავშირებული, რის გამოც სასწავლო პროცესი სრულყოფილად არ მიმდინარეობს.

„სკოლებმა მომზადებისთვის ხარჯი გასწიეს, მშობლებმა შვილებს სასკოლო ნივთები უყიდეს. ჩვენი მოთხოვნაა გაიხსნას სკოლები და ბავშვებს სრულყოფილი განათლების მიღების შესაძლებლობა მიეცეთ”,- განაცხადა აქციის ერთ-ერთმა მონაწილემ.

შეგახსენებთ, დღეიდან საქართველოს საჯარო და კერძო სკოლებში 2020-2021 ახალი სასწავლო წელი დაიწყო. კორონავირუსის გავრცელების პრევენციის მიზნით, პრემიერ-მინისტრის ხელმძღვანელობით მოქმედი უწყებათაშორისი საკოორდინაციო საბჭოს გადაწყვეტილებით, საქართველოს ზოგიერთ ქალაქსა და სოფელში სკოლებსა და უმაღლეს სასწავლებლებში სასწავლო პროცესი 15 სექტემბრიდან დისტანციურ რეჟიმში, ხოლო დანარჩენ მუნიციპალიტეტებში საკლასო ოთახებში დაიწყო. არსებული მდგომარეობით, 1-ელი ოქტომბრიდან სწავლა მთელი ქვეყნის მასშტაბით საკლასო ოთახებსა და აუდიტორიებში გაგრძელდება.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით