გურამ მაჭარაშვილი - თუ პირი პარლამენტის წევრი გახდება, მას ვალდებულება ექნება ნარკოლოგიური შემოწმების შესახებ ცნობა წარადგინოს

ნარკოლოგიური შემოწმების შესახებ ცნობის წარდგენის ვალდებულება, არა დეპუტატობის კანდიდატს, არამედ პირს, მხოლოდ პარლამენტის წევრად არჩევის შემთხვევაში ექნება. შესაბამისი ცვლილება "საარჩევნო კოდექსში" შედის. კანონპროექტის პირველი მოსმენა დღეს გაიმართა.

როგორც საკითხის მომხსენებელმა საპროცედურო საკითხთა კომიტეტის თავმჯდომარემ გურამ მაჭარაშვილმა განაცხადა, ცვლილების შეტანა, კორონავირუსის გავრცელების პრევენციის მიზნით გახდა აუცილებელი.

"ის კანდიდატები, რომლებიც უნდა დარეგისტრირდნენ დეპუტატობის კანდიდატებად, დღევანდელი კანონმდებლობით, ვალდებულები არიან რომ წარმოადგინონ ნარკოლოგიური შემოწმების შესახებ ცნობები. ჩვენი გათვლებით ასეთი იქნება 9 ათასამდე ადამიანი, რომელსაც ექნება ვალდებულება, რომ წარმოადგინოს ნარკოლოგიური შემოწმების შესახებ ცნობა. ჩვენ კონსულტაციები გვქონდა შესაბამის დაწესებულებებთან, ასევე პარტიებთან და გვაქვს ასეთი შემოთავაზება, რომ დღევანდელი ვითარებიდან გამომდინარე, კორონავირუსის გავრცელების პრევენციის მიზნით შევიტანოთ ცვლილება და კანდიდატები გავათავისუფლოთ იმ ვალდებულებისგან, რასაც ჰქვია ნარკოლოგიური შემოწმების შესახებ ცნობის წარდგენა. იმ შემთვევაში, თუ პირი გახდება პარლამენტის წევრი, მას ბუნებრივია, ექნება ეს ვალდებულება რომ წარმოადგინოს ასეთი ტიპის ცნობა", - განაცხადა გურამ მაჭარაშვილმა.

კომიტეტმა ცვლილებებს პირველი მოსმენით ერთხმად მხარი დაუჭირა.

დიმიტრი შველიძე - ორიენტაციული არჩევნები გვაქვს, ან გაიმარჯვებენ მედასავლეთეები, ან პროჩრდილოელები, ან მედროიფეები
ქართული პრესის მიმოხილვა 01.10.2020
კარლ ჰარცელი - სოფლად ორჯერ მაღალია სიღარიბის მაჩვენებელი, რაც ნიშნავს, რომ ეს საკითხი მეტ ყურადღებას საჭიროებს  - ევროკავშირი მხარს უჭერს საქართველოში სოფლის განვითარებას
"სილქნეტი" მომხმარებელს 29 სექტემბერს მობილურ ქსელში დაფიქსირებული შეფერხების შესახებ ინფორმაციას აწვდის და შექმნილი დისკომფორტისთვის ბოდიშს უხდის
"სილქნეტი" კომპანიის ყოფილ თანამშრომელთა მცირე ჯგუფის მიერ პროვოცირებული ბოლოდროინდელი ქმედებების შესახებ განცხადებას ავრცელებს
წარმოების სრული ავტომატიზაცია - „გზაჯვარედინისა“ და BDO-ს პარტნიორობის წარმატებული ქეისი
ფინკა ბანკის მმართველ გუნდს ირაკლი ელაშვილი უხელმძღვანელებს
ჰიუნდაი ავტო საქართველო საშემოდგომო ფასდაკლებების აქციას იწყებს
"მადლიერების ჩიტი" ბატონ ჯემალ ჭკუასელს