გიგი უგულავა - ქვეყანაში მძიმე ეკონომიკური კრიზისია და თუ გარდამტეხი ცვლილებები არ მოხდა, სიტუაცია ვერ შეიცვლება

„ევროპული საქართველოს“ მაჟორიტარობის კანდიდატი ზუგდიდში, გიგი უგულავა, ზუგდიდის მუნიციპალიტეტის სოფლებში ადგილობრივებს შეხვდა. „ევროპული საქართველოს“ ინფორმაციით, გიგი უგულავამ შეხვედრა სოფელ ცაცხვში, ურთაში, ცაიშსა და ჯიხაშკარში გამართა.

უგულავას თქმით, მან დადო ხელშეკრულება ხალხთან, რომლის მიხედვითაც „ევროპული საქართველო“ იღებს ვალდებულებას სხვადასხვა რეფორმის შესრულებაზე. როგორც უგულავამ აღნიშნა, ქვეყანაში არსებულ მძიმე ეკონომიკურ კრიზისს გარდამტეხი ცვლილებები სჭირდება, რომელიც მისი თქმით, ოქტომბრის საპარლამენტო არჩევნებზე მოხდება.

„იმისათვის, რომ ხელისუფლებას არ მივცეთ პანდემიით მანიპულირების საშუალება, რისი ნიშნებიც აშკარაა, რადგან თეთრ ხალათს ამოეფარა მთავრობა და თავისი პრობლემები, რაც ივანიშვილის ხელისუფლებამ შექმნა, ცდილობენ ამით გადაფარონ, ჩვენ აქტიურად ვაწარმოებთ საარჩევნო კამპანიას, ამავდროულად კამპანიის დროს, მაქსიმალურად ხდება პრევენცია პანდემიისგან. ვერიდებით დიდ შეხვედრებს, ვიცავთ ყველა რეკომენდაციას და „ევროპული საქართველოს“ ღია ავტობუსით, კარდაკარ ვსტუმრობთ ადგილობრივებს.

დღეს, უმძიმესი ეკონიმიკური კრიზისია ქვეყანაში და თუ არ მოხდა გარდამტეხი ცვლილებები, ვერ შეიცვლება სიტუაცია. ამრიგად, ჩვენ, „ევროპული საქართველო“, ხალხთან ვდებთ ხელშეკრულებას და ამით ვიღებთ ვალდებულებას სხვადასხვა რეფორმის განხორციელებაზე. ამ ხელშეკრულებაზე ხელს აწერენ პარტიის ლიდერები და მეორე მხარეს, ხელს აწერს პიროვნება, ვისთანაც ვდებთ ხელშეკრულებას. ერთი ნაწილი რჩება ჩვენთან, ხოლო მეორე ამ პირთან. გადასახადებისა და ბიუროკრატიული ხარჯების შემცირება, ქალაქებისთვის რეალური თვითმმართველობის მინიჭება, სახელმწიფო ქონებაში არსებული მიწის ხალხისთვის გადაცემა, სასამართლოში ნაფიცი მსაჯულების შემოღება, პოლიციის უფროსების ადგილზე არჩევა, პენსიებისა და სოციალური დახმარებების გაორმაგება, ეს იმ პუნქტების ჩამონათვალია, რისი შესრულების ვალდებულებასაც იღებს „ევროპული საქართველო“. სწორედ ამგვარად შეგვიძლია დავეხმაროთ ეკონომიკას, რომ ამოვიდეს უმძიმესი კრიზისიდან და სწორედ ასე შეიძლება გარდამტეხი ცვლილებების მოხდენა.

ჩვენ ასეთი ფორმით გადავწყვიტეთ ადგილობრივებთან შეხვედრა, ვიცავთ დისტანციას, შორიდან ვესალმებით ადგილობრივებს, რათა მოხდეს პრევენცია. თუმცა, საგულისხმოა, რომ ხელისუფლება ნამდვილად იყენებს ამ პანდემიას. ჩვენ შეიძლება არ ვართ ეპიდემიოლოგები, თუმცა ჯანსაღი აზრი გვაქვს და ვხედავთ, რომ ხელისუფლება ამას პოლიტიკური მიზნებისათვის იყენებს“, - განაცხადა გიგი უგულავამ.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„ელიტ ელექტრონიქსში“ iPhone 13-ის წინასწარი გაყიდვა დაიწყო
სამშენებლო გამოფენა და უძრავი ქონების ფორუმი - Caucasus Build ახალი კონცეფციით ბრუნდება
გლობალურმა ექსპერტმა კვების დარგში Herbalife Nutrition-მა თბილისში, ახალი ინოვაციური გაყიდვების ცენტრი გახსნა
„PSP ყველგან შენი ოჯახის გვერდით“ კამპანიის ფარგლებში მუხრანში ბრიტანული კონცეფციის აფთიაქი გაიხსნა
Bolt და Bolt Food პარტნიორი მძღოლებისა და კურიერების შვილებისთვის ახალ, საგანმანათლებლო პროგრამას იწყებენ