გია ვოლსკი - მთავარი კვლევის ადგილი არის საარჩევნო ყუთი და იქ გადავწყვეტთ ყველაფერს

მთავარი კვლევის ადგილი არის საარჩევნო ყუთი და იქ გადავწყვეტთ ყველაფერს,- ასე პასუხობს პარლამენტის ვიცე-სპიკერი გია ვოლსკი Edison Research-ის კვლევას.

როგორც ვოლსკიმ პარტიების რეიტინგებზე კომენტარის გაკეთებისას განაცხადა, აღნიშნული კვლევა გარკვეულწილად პოლიტიკურად არის განპირობებული.

„Edison Research-ის კვლევები, ისევე, როგორც „გორბის" კვლევები და სხვა კვლევები ერთობლივად უნდა განვიხილოთ და მივხვდებით, რომ ის აცდენები, რომელიც არსებობს Edison Research-ის კვლევაში გარკვეულწილად პოლიტიკურად არის განპირობებული. მითქვამს და გავიმეორებ, რომ მთავარი კვლევის ადგილი არის საარჩევნო ყუთი და იქ გადავწყვეტთ ყველაფერს",- განაცხადა ვოლსკიმ.

რაც შეეხება ამავე კვლევაში აღნიშნულს, რომ ქვეყანა, გამოკითხულთა 57%-ის აზრით, არასწორი მიმართულებით ვითარდება, ვოლსკი ამას არ ეთანხმება.

„სწორ და არასწორ განვითარებას ზოგი სოციალურ პროექტებს უკავშირებს, უმუშევრობის მდგომარეობას, სოციალურ პრობლემებს უკავშირებს, რომელიც რეალურად გაგვაჩნია. თუნდაც იმ გარემოს, რომელიც შექმნილია ამ მძიმე ავადმყოფობის გამო. რასაკვირველია, ეს ემოციური განწყობები არ შეიძლება აისახოს ზედმიწევნით იმ პროცენტში, რომელსაც აჩვენებს პოლიტიკურად ანგაჟირებული ზოგიერთი კვლევითი ორგანიზაცია.

ძალიან ემოციაზე აგებული შეკითხვაა. მე პირადად ვფიქრობ, რომ ქვეყანა სწორი მიმართულებით ვითარდება. თუნდაც იმ გაგებით, რომ მსოფლიო, გლობალური დაპირისპირების და სერიოზული კრიზისების პირობებში საქართველომ განვითარების ტემპი შეინარჩუნა, სამშვიდობოს გასვლის პერსპექტივა გაუჩნდა ქვეყანას. აქედან გამომდინარე სწორი მიმართულებით ქვეყნის განვითარება ამ კრიტერიუმებით უნდა შეფასდეს",- განაცხადა ვოლსკიმ.

ცნობისთვის, Edison Research-ის კვლევის თანახმად, კითხვაზე, ვის მისცემდნენ ხმას, საპარლამენტო არჩევნები რომ დღეს ჩატარდეს, პასუხები შემდეგნაირად ნაწილდება:

„ქართული ოცნება“ - 38%; „ერთიანი ნაციონალური მოძრაობა - გაერთიანებული ოპოზიცია“ - 15% ; „ევროპული საქართველო“ - 6%. გიორგი ვაშაძე - სტრატეგია აღმაშენებელი - 4%; „ლეიბორისტული პარტია“ - 3% ; „ლელო“ - 3%; „პატრიოტთა ალიანსი“ - 3%; „გირჩი“ - 3%; მოქალაქეები (ალეკო ელისაშვილი) - 1%; დემოკრატიული მოძრაობა - ერთიანი საქართველო - 1%.

23% ამბობს, რომ არ გადაუწყვეტია, ვის მისცემდა ხმას.

იხილეთ ვიდეო:გია ვოლსკის განცხადებით, მთავარი კვლევის ადგილი არის საარჩევნო ყუთი და იქ გადაწყდება ყველაფერი

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
მსოფლიო 2021 წლის ინტელექტუალური საკუთრების დღეს სლოგანით  - „ინტელექტუალური საკუთრება და მცირე და საშუალო საწარმოები: თქვენი იდეების კომერციალიზაცია“ აღნიშნავს
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა