ევროკავშირი საერთაშორისო ორგანოების ძლიერი მხარდამჭერია და მან მსოფლიო სავაჭრო ორგანიზაციისა და მსოფლიო ჯანდაცვის ორგანიზაციის რეფორმებს უნდა უხელმძღვანელოს, - ამის შესახებ ევროკომისიის პრეზიდენტმა ურსულა ფონ დერ ლეიენმა განაცხადა.

მისივე თქმით, მრავალმხრივი სისტემის გაცოცხლებისა და რეფორმის აუცილებლობა არასოდეს ყოფილა ასეთი აქტუალური.

„ჩვენი გლობალური სისტემა მცოცავ დამბლად გადაიქცა, ცვლილება გვჭირდება. დიდი სახელმწიფოები ან ტოვებენ ინსტიტუტებს, ან საკუთარი ინტერესების ტყვეებად აქცევენ. დიახ, ცვლილება გვჭირდება. მაგრამ ცვლილება გეგმის მიხედვით და არა განადგურებით,“- აღნიშნა ურსულა ფონ დერ ლეიენმა.