სომხეთის თავდაცვის სამინისტრო სომხეთ-აზერბაიჯანის საზღვარზე მომხდარი სროლის შედეგად, სამხედრო მოსამსახურის დაღუპვის შესახებ იუწყება.
„16 სექტემბერს, ერთ-ერთ სამხედრო ნაწილზე მორიგი პროვოკაციის შედეგად, რომელიც საზღვრის ჩრდილო-აღმოსავლეთ ნაწილში მდებარეობს, ცეცხლსასროლი იარაღიდან გასროლით დაიჭრა საკონტრაქტო სამსახურში მყოფი უმცროსი სერჟანტი ოვიკ თამაზიანი“, - აღნიშნულია უწყების საიტზე განთავსებულ ინფორმაციაში.
სომხეთის თავდაცვის უწყების ინფორმაციით, აზერბაიჯანულმა მხარემ გამოავლინა აქტიურობა საზღვრის ჩრდილო-აღმოსავლეთ მონაკვეთზე, სადაც შეეცადა ჩაეტარებინა გამაგრებითი სდამუშაოები, რამაც დაძაბულობის ზრდა გამოიწვია.
„მოწინააღმდეგის აქტიურობის ჩასახშობად და შემდგომი დაძაბულობის აღსაკვეთად, სომხეთის შეიარაღებული ძალების ქვედანაყოფი იძულებული გახდა მიეღო შესაბამისი ზომები“, - განაცხადეს თავდაცვის სამინისტროში.
სომხური მხარე შექმნილ ვითარებაზე და დაძაბულობის ზრდაზე პასუხისმგებლობას აზერბაიჯანის სამხედრო-პოლიტიკურ ხელმძღვანელობას აკისრებს.