კელი დეგნანი „საერთო სასამართლოების შესახებ“ – ახალ კანონპროექტში ბევრი რეკომენდაცია გათვალისწინებულია, დარჩენილია კიდევ რამდენიმე და ვიმედოვნებთ, რომ ისიც იქნება ასახული

ბევრი რეკომენდაცია ახალ კანონპროექტში გათვალისწინებული იყო, დარჩენილია კიდევ რამდენიმე და იმედი გვაქვს, რომ სამუშაო შეხვედრების შედეგად ეს რეკომენდაციებიც იქნება გათვალისწინებული, - ამის შესახებ აშშ-ს ელჩმა საქართველოში, კელი დეგნანმა მართლმსაჯულების სისტემის რეფორმაზე საუბრისას განაცხადა.

ელჩის განცხადებით, “საერთო სასამართლოების შესახებ“ კანონპროექტი სასამართლო სისტემის მეტ გამჭვირვალობას ემსახურება და მისი მიზანია, რომ მოსამართლეთა არჩევა კვალიფიკაციაზე დაყრდნობით მოხდეს.

"ეს არის ძალიან მნიშვნელოვანი კანონპროექტი, პარლამენტი ატარებს სამუშაო შეხვედრებს იმისათვის, რომ გაეცეს პასუხი გარკვეულ შეკითხვებს, რომლებიც მოდის ვენეციის კომისიისგან, ევროკავშირისგან და აშშ-სგან, იმ პარტნიორებისგან, რომლებიც ხელს უწყობენ საქართველოში უფრო ძლიერი მართლმსაჯულების სისტემის ჩამოყალიბებას. მათი ბევრი რეკომენდაცია ახალ კანონპროექტში გათვალისწინებული იყო, დარჩენილია კიდევ რამდენიმე და იმედი გვაქვს, რომ ამ სამუშაო შეხვედრების შედეგად ეს რეკომენდაციებიც იქნება გათვალისწინებული.

ზოგადად, ეს კანონპროექტი ემსახურება სასამართლო სისტემის მეტ გამჭვირვალობას და ანგარიშვალდებულებას. ასევე მოსამართლეთა არჩევის წესთან მეტ გამჭვირვალობას და მისი მიზანია, რომ მოსამართლეთა არჩევა მოხდეს კვალიფიკაციაზე დაყრდნობით“, - აღნიშნა კელი დეგნანმა.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება