კახა კალაძე - ყველა პოლიტიკურ სუბიექტს აბსოლუტურად თანაბარ პირობებში აქვს შესაძლებლობა, რომ თავისი საარჩევნო პროგრამა საზოგადოებას წარუდგინოს

თბილისის მერის კახა კალაძის განცხადებით, ოპოზიციის მხრიდან ხშირად ისმის ბრალდებები სხვადასხვა საკითხთან დაკავშირებით, თუმცა მათ ფაქტები და არგუმენტები არ გააჩნიათ. ამ განცხადებით ის ოპოზიციის ბრალდებებს გამოეხმაურა, თითქოს წინასაარჩევნოდ სუს-ი არჩევნებში ჩარევას ცდილობს.

როგორც კალაძე აცხადებს, ოპოზიციის ბრალდებები წინასაარჩევნო მანიპულაციებია.

„ბრალდებები ხშირად ისმოდა, თუმცა არანაირი ფაქტი და მტკიცებულებები ამასთან დაკავშირებით არ არსებობს. ეს არის პოლიტიკური მანიპულაციები, განსაკუთრებით წინასაარჩევნოდ, რომ წარმოაჩინონ ისე, თითქოს ვინმე იჩაგრება, ვინმეს არ ეძლევა კამპანიის ჩატარების შესაძლებლობა. ჩვენც დაგვყვებით რეგიონებში და ხედავთ, როგორი სიტუაციაა. ყველა პოლიტიკურ სუბიექტს აბსოლუტურად თანაბარ, მშვიდ პირობებში აქვს იმის შესაძლებლობა, თავისი ხედვა, საარჩევნო პროგრამა საზოგადოებას წარუდგინოს, მოსახლეობას ელაპარაკოს, უთხრას, რას და როგორ აპირებს, რომ თუ მოსახლეობას მოეწონება, არჩევნებში ხმები მიიღოს. ამის თანაბარი შესაძლებლობა ყველა პოლიტიკურ პარტიას აქვს. ამიტომ, ეს მანიპულაციები ჩემთვის მიუღებელია. თუ არის რაიმე კონკრეტული ფაქტები, შეგვიძლია ვიმსჯელოთ“,-განაცხადა კალაძემ.

ცნობისთვის „ევროპული საქართველოს“ ერთ-ერთი ლიდერი, გიგა ბოკერია სახელმწიფო უწყებების მხრიდან უკანონო თვალთვალზე საუბრობს. ბოკერიას თქმით, მასაც და მის გუნდის წევრებსაც ხშირად შეუმჩნევიათ სახელმწიფო უსაფრთხოების მანქანები მათი ოფისის წინ, ასევე მათი მობილიზება საარჩევნო კამპანიის დროს სხვადასხვა ქალაქში.

რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ქართული პრესის მიმოხილვა 21.10.2021
დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს