საგარეო საქმეთა მინისტრის მოადგილე - საზღვარგარეთ არჩევნების სრულყოფილად ჩატარება მნიშვნელოვნად არის დამოკიდებული ამა თუ იმ ქვეყანაში არსებულ ეპიდვითარებაზე

საზღვარგარეთ მომავალი საპარლამენტო არჩევნების სრულყოფილად ჩატარება მნიშვნელოვნად არის დამოკიდებული ამა თუ იმ ქვეყანაში არსებულ ეპიდვითარებაზე. ამის შესახებ საგარეო საქმეთა მინისტრის მოადგილემ ხათუნა თოთლაძემ დღეს გამართულ ბრიფინგზე განაცხადა.

მისივე თქმით, თითოეულ ქვეყანაში საარჩევნო უბნების გახსნის გადაწყვეტილებას ცესკო მიიღებს.

„საქართველოს საგარეო საქმეთა სამინისტრო აქტიურად თანამშრომლობს ცესკოსთან, რათა საზღვარგარეთ მყოფმა საქართველოს მოქალაქეებმა შეძლონ დაგეგმილ საპარლამენტო არჩევნებში მონაწილეობა. აქვე ხაზგასმით უნდა აღინიშნოს, რომ საზღვარგარეთ საპარლამენტო არჩევნების სრულყოფილად ჩატარება მნიშვნელოვნად არის დამოკიდებული ამათუიმ ქვეყანაში არსებულ ეპიდვითარებაზე, შესაბამისად საგარეო საქმეთა სამინისტრო აკვირდება თითოეულ ქვეყანაში არსებულ სიტუაციას და მის ხელთა არსებულ ინფორმაციას პერმანენტულ რეჟიმში გადასცემს ცესკოს, რომელიც ამ მონაცემების საფუძველზე იღებს გადაწყვეტილებას თითოეულ ქვეყანაში უბნის გახსნის მიზანშეწონილობაზე“, - განაცხადა ხათუნა თოთლაძემ.

საგარეო საქმეთა მინისტრის მოადგილის თქმით, დღევანდელი მონაცემებით საზღვარგარეთ არჩევნების ჩატარების ყველა წინაპირობა არსებობს.

გარდა ამისა, ხათუნა თოთლაძემ განმარტა, რომ საკონსულო აღრიცხვაზე დადგომა ელექტრონულადაც შეიძლება.

„რაც შეეხება არჩევნებში მონაწილეობის პირობებს და მოთხოვნებს. იმისათვის რომ საზღვარგარეთ მყოფმა ქართველმა არჩევნებში მიიღოს მონაწილეობა საჭიროა იმყოფებოდეს საკონსულო აღრიცხვაში. საკონსულო აღრიცხვაზე საქართველოს მოქალაქე შესაძლებელია დადგეს არაუგვიანეს 10 ოქტომბრისა. საკონსულო აღრიცხვაზე დადგომა უფასოა. ამომრჩევლებს საკონსულო აღრიცხვაზე ყოფნა შეუძლიათ გადაამოწმონ შესაბამის ვებგვერდზე www.geoconsul.gov.ge-ზე. თუ ამომრჩეველი ვერ აღმოაჩენს თავის პირად მონაცემებს მან უნდა მიმართოს საკონსულოს. საკონსულო აღრიცხვაზე დადგომა შესაძლებელია სამი გზით. პირველი დისტანციურად ვებგვერდის საშუალებით, მეორე საელჩოში ან საკონსულოში პირადად გამოცხადება, ხოლო მესამე საფოსტო გზავნილის მეშვეობით, საკონსულოსთვის ან საელჩოსთვის მატერიალური ფორმით დოკუმენტების გაგზავნით“, - განაცხადა თოთლაძემ.

ხათუნა თორთლაძის განცხადებით, მოქალაქეები შეცდომაში შეჰყავთ თითქოს საკონსულო აღრიცხვაზე დადგომა რთული პროცედურაა.

„აქვე უნდა აღინიშნოს, რომ ვაწყდებით შემთხვევებს, როდესაც მოქალაქეები განზრახ შეჰყავთ შეცდომაში, რომ თითქოს საკონსულო აღრიცხვაზე დადგომა არის რთული პროცესი და მოითხოვს საელჩოში ან საკონსულოში გამოცხადებას. ამის საპასუხოდ კიდევ ერთხელ ვუსვამთ ხაზს, რომ საკონსულო აღრიცხვაზე დადგომა შესაძლებელია დისტანციურად“, - განაცხადა ხათუნა თოთლაძემ.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება