გიორგი კანდელაკი - ვურჩევ „ქართული ოცნების“ ლიდერებს, თვალი გაუსწორონ რეალობას და სერიოზულად მიიღონ საქართველოს მეგობრების ეს პოლიტიკურად მნიშვნელოვანი რეზოლუცია

„ევროპული საქართველოს“ წევრი, გიორგი კანდელაკი, ევროპარლამენტარების მიერ რეზოლუციის კენჭისყრასეხმაურება, რომელიც საქართველოს მიერ ასოცირების ხელშეკრულების შესრულებას ეხება.

გიორგი კანდელაკის თქმით, ეს რეზოლუცია ძალიან მნიშვნელოვანი და მაღალი რანგისაა, სადაც საუბარია იმ მნიშვნელოვან თემებზე, რომლებიც უნდა გაითვალისწინოს საქართველოს ხელისუფლებამ არჩევნებამდე. კანდელაკის თქმით, რეზოლუციაში ყურადღება გამახვილებულია პოლიტიზირებული მარლთმსაჯულების საქმეზე და 8 მარტის შეთანხმების სრულად შესრულებაზე, ასევე წინასაარჩევნოდ, სხვადასხვა დარღვევებზე. კანდელაკმა მოუწოდა ხელისუფლების წარმომადგენლებს, თვალი გაუსწორონ რეალობას და გაითვალისწინონ ჩვენი საერთაშორისო პარტნიორების რეკომენდაციები.

„ამ წუთებში ევროპარლამენტში მიმდინარეობს კენჭისყრა რეზოლუციისა, რომელიც შეეხება საქართველოს მიერ ასოცირების ხელშეკრულების შესრულებას და ეს არის ძალიან მაღალი რანგის და ძალიან მნიშვნელოვანი რეზოლუცია, რომელსაც ევროპარლამენტი იღებს არჩევნებამდე რამდენიმე კვირით ადრე.

რეზოლუციაში პირდაპირ არის ნათქვამი და ეს არის შეთანხმებული ტექსტი, ყოველგვარი შესწორების გარეშე, ყველა ფრაქციის მიერ, მათ შორის, „ქართული ოცნების“ პარტნიორი ფრაქციის, სოციალისტური ფრაქციის მიერ. აქ პირდაპირ არის ჩამოთვლილი რა არ უნდა მოხდეს ამ არჩევნებზე, ყოველგვარი მიკიბ-მოკიბვის გარეშე.

ეს არის ამომრჩევლის მოსყიდვა, ძალადობის შემთხვევების არ გამოძიება და არავის არ დავიწყებია კორცხელი და წინა არჩევნებზე მომხდარი ძალადობრივი ფაქტები, ასევე საჯარო მოხელეებზე ზეწოლა და ზოგადად, ზეწოლა ამომრჩევლებზე.

ასევე, პირდაპირ არის მოწოდება, რომ გადაწყდეს პოლიტიზირებული მარლთმსაჯულების დარჩენილი საქმე 8 მარტის შეთანხმების შესრულების კონტექსტში და, რა თქმა უნდა, გიორგი რურუას საქმე იგულისხმება და სალომე ზურაბიშვილის მიერ უგულავასა და ოქრუაშვილის შეწყალება სწორედ ამ შეთანხმების კონტექსტში გადადგმულ ნაბიჯად არის მოხსენიებული. ასევე საუბარია პროპაგანდაზე, მტრული ქვეყნის პროპაგანდაზე, თუმცა ამავდროულად, პროპაგანდაზე, რომელიც რამდენიმე თვის წინ აღკვეთა Facebook - მა და გააუქმა „ქართულ ოცნებასთან“ დაკავშირებული ასეულობით გვერდი.

მე ვურჩევ „ქართული ოცნების“ ლიდერებს, რომ გუშინდელივით არ დაიწყონ ტყუილების თქმა, თვალი გაუსწორონ რეალობას და ძალიან სერიოზულად მიიღონ საქართველოს მეგობრებისა და მხარდამჭერების ეს პოლიტიკურად მნიშვნელოვანი და წონიანი რეზოლუცია, რომელსაც სულ რამდენიმე წუთში მიიღებს ევროპარლამენტი,“ - განაცხადა გიორგი კანდელაკმა.

გიორგი კანდელაკის განცხადებას „ევროპული საქართველოს“ პრესსამსახური ავრცელებს.

რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ქართული პრესის მიმოხილვა 21.10.2021
დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს